चौपाई
हर गन मुनिहि जात पथ देखी। बिगतमोह मन हरष बिसेषी।।
अति सभीत नारद पहिं आए। गहि पद आरत बचन सुनाए।।
हर गन हम न बिप्र मुनिराया। बड़ अपराध कीन्ह फल पाया।।
श्राप अनुग्रह करहु कृपाला। बोले नारद दीनदयाला।।
निसिचर जाइ होहु तुम्ह दोऊ। बैभव बिपुल तेज बल होऊ।।
भुजबल बिस्व जितब तुम्ह जहिआ। धरिहहिं बिष्नु मनुज तनु तहिआ।
समर मरन हरि हाथ तुम्हारा। होइहहु मुकुत न पुनि संसारा।।
चले जुगल मुनि पद सिर नाई। भए निसाचर कालहि पाई।।
दोहा/सोरठा
एक कलप एहि हेतु प्रभु लीन्ह मनुज अवतार।
सुर रंजन सज्जन सुखद हरि भंजन भुबि भार।।139।।
चौपाई
एहि बिधि जनम करम हरि केरे। सुंदर सुखद बिचित्र घनेरे।।
कलप कलप प्रति प्रभु अवतरहीं। चारु चरित नानाबिधि करहीं।।
तब तब कथा मुनीसन्ह गाई। परम पुनीत प्रबंध बनाई।।
बिबिध प्रसंग अनूप बखाने। करहिं न सुनि आचरजु सयाने।।
हरि अनंत हरिकथा अनंता। कहहिं सुनहिं बहुबिधि सब संता।।
रामचंद्र के चरित सुहाए। कलप कोटि लगि जाहिं न गाए।।
यह प्रसंग मैं कहा भवानी। हरिमायाँ मोहहिं मुनि ग्यानी।।
प्रभु कौतुकी प्रनत हितकारी।।सेवत सुलभ सकल दुख हारी।।
दोहा/सोरठा
सुर नर मुनि कोउ नाहिं जेहि न मोह माया प्रबल।।
अस बिचारि मन माहिं भजिअ महामाया पतिहि।।140।।
चौपाई
hara gana munihi jāta patha dēkhī. bigatamōha mana haraṣa bisēṣī..
ati sabhīta nārada pahiṃ āē. gahi pada ārata bacana sunāē..
hara gana hama na bipra munirāyā. baḍa aparādha kīnha phala pāyā..
śrāpa anugraha karahu kṛpālā. bōlē nārada dīnadayālā..
nisicara jāi hōhu tumha dōū. baibhava bipula tēja bala hōū..
bhujabala bisva jitaba tumha jahiā. dharihahiṃ biṣnu manuja tanu tahiā.
samara marana hari hātha tumhārā. hōihahu mukuta na puni saṃsārā..
calē jugala muni pada sira nāī. bhaē nisācara kālahi pāī..
चौपाई
ēhi bidhi janama karama hari kērē. suṃdara sukhada bicitra ghanērē..
kalapa kalapa prati prabhu avatarahīṃ. cāru carita nānābidhi karahīṃ..
taba taba kathā munīsanha gāī. parama punīta prabaṃdha banāī..
bibidha prasaṃga anūpa bakhānē. karahiṃ na suni ācaraju sayānē..
hari anaṃta harikathā anaṃtā. kahahiṃ sunahiṃ bahubidhi saba saṃtā..
rāmacaṃdra kē carita suhāē. kalapa kōṭi lagi jāhiṃ na gāē..
yaha prasaṃga maiṃ kahā bhavānī. harimāyāom mōhahiṃ muni gyānī..
prabhu kautukī pranata hitakārī..sēvata sulabha sakala dukha hārī..
