चौपाई
भूप प्रतापभानु बल पाई। कामधेनु भै भूमि सुहाई।।
सब दुख बरजित प्रजा सुखारी। धरमसील सुंदर नर नारी।।
सचिव धरमरुचि हरि पद प्रीती। नृप हित हेतु सिखव नित नीती।।
गुर सुर संत पितर महिदेवा। करइ सदा नृप सब कै सेवा।।
भूप धरम जे बेद बखाने। सकल करइ सादर सुख माने।।
दिन प्रति देह बिबिध बिधि दाना। सुनहु सास्त्र बर बेद पुराना।।
नाना बापीं कूप तड़ागा। सुमन बाटिका सुंदर बागा।।
बिप्रभवन सुरभवन सुहाए। सब तीरथन्ह बिचित्र बनाए।।
दोहा/सोरठा
जँह लगि कहे पुरान श्रुति एक एक सब जाग।
बार सहस्त्र सहस्त्र नृप किए सहित अनुराग।।155।।
चौपाई
हृदयँ न कछु फल अनुसंधाना। भूप बिबेकी परम सुजाना।।
करइ जे धरम करम मन बानी। बासुदेव अर्पित नृप ग्यानी।।
चढ़ि बर बाजि बार एक राजा। मृगया कर सब साजि समाजा।।
बिंध्याचल गभीर बन गयऊ। मृग पुनीत बहु मारत भयऊ।।
फिरत बिपिन नृप दीख बराहू। जनु बन दुरेउ ससिहि ग्रसि राहू।।
बड़ बिधु नहि समात मुख माहीं। मनहुँ क्रोधबस उगिलत नाहीं।।
कोल कराल दसन छबि गाई। तनु बिसाल पीवर अधिकाई।।
घुरुघुरात हय आरौ पाएँ। चकित बिलोकत कान उठाएँ।।
दोहा/सोरठा
नील महीधर सिखर सम देखि बिसाल बराहु।
चपरि चलेउ हय सुटुकि नृप हाँकि न होइ निबाहु।।156।।
चौपाई
bhūpa pratāpabhānu bala pāī. kāmadhēnu bhai bhūmi suhāī..
saba dukha barajita prajā sukhārī. dharamasīla suṃdara nara nārī..
saciva dharamaruci hari pada prītī. nṛpa hita hētu sikhava nita nītī..
gura sura saṃta pitara mahidēvā. karai sadā nṛpa saba kai sēvā..
bhūpa dharama jē bēda bakhānē. sakala karai sādara sukha mānē..
dina prati dēha bibidha bidhi dānā. sunahu sāstra bara bēda purānā..
nānā bāpīṃ kūpa taḍaāgā. sumana bāṭikā suṃdara bāgā..
biprabhavana surabhavana suhāē. saba tīrathanha bicitra banāē..
चौपाई
hṛdayaom na kachu phala anusaṃdhānā. bhūpa bibēkī parama sujānā..
karai jē dharama karama mana bānī. bāsudēva arpita nṛpa gyānī..
caḍhai bara bāji bāra ēka rājā. mṛgayā kara saba sāji samājā..
biṃdhyācala gabhīra bana gayaū. mṛga punīta bahu mārata bhayaū..
phirata bipina nṛpa dīkha barāhū. janu bana durēu sasihi grasi rāhū..
baḍa bidhu nahi samāta mukha māhīṃ. manahuom krōdhabasa ugilata nāhīṃ..
kōla karāla dasana chabi gāī. tanu bisāla pīvara adhikāī..
ghurughurāta haya ārau pāēom. cakita bilōkata kāna uṭhāēom..
