चौपाई
पुनि बंदउँ सारद सुरसरिता। जुगल पुनीत मनोहर चरिता।।
मज्जन पान पाप हर एका। कहत सुनत एक हर अबिबेका।।
गुर पितु मातु महेस भवानी। प्रनवउँ दीनबंधु दिन दानी।।
सेवक स्वामि सखा सिय पी के। हित निरुपधि सब बिधि तुलसीके।।
कलि बिलोकि जग हित हर गिरिजा। साबर मंत्र जाल जिन्ह सिरिजा।।
अनमिल आखर अरथ न जापू। प्रगट प्रभाउ महेस प्रतापू।।
सो उमेस मोहि पर अनुकूला। करिहिं कथा मुद मंगल मूला।।
सुमिरि सिवा सिव पाइ पसाऊ। बरनउँ रामचरित चित चाऊ।।
भनिति मोरि सिव कृपाँ बिभाती। ससि समाज मिलि मनहुँ सुराती।।
जे एहि कथहि सनेह समेता। कहिहहिं सुनिहहिं समुझि सचेता।।
होइहहिं राम चरन अनुरागी। कलि मल रहित सुमंगल भागी।।
दोहा/सोरठा
सपनेहुँ साचेहुँ मोहि पर जौं हर गौरि पसाउ।
तौ फुर होउ जो कहेउँ सब भाषा भनिति प्रभाउ।।15।।
चौपाई
बंदउँ अवध पुरी अति पावनि। सरजू सरि कलि कलुष नसावनि।।
प्रनवउँ पुर नर नारि बहोरी। ममता जिन्ह पर प्रभुहि न थोरी।।
सिय निंदक अघ ओघ नसाए। लोक बिसोक बनाइ बसाए।।
बंदउँ कौसल्या दिसि प्राची। कीरति जासु सकल जग माची।।
प्रगटेउ जहँ रघुपति ससि चारू। बिस्व सुखद खल कमल तुसारू।।
दसरथ राउ सहित सब रानी। सुकृत सुमंगल मूरति मानी।।
करउँ प्रनाम करम मन बानी। करहु कृपा सुत सेवक जानी।।
जिन्हहि बिरचि बड़ भयउ बिधाता। महिमा अवधि राम पितु माता।।
दोहा/सोरठा
बंदउँ अवध भुआल सत्य प्रेम जेहि राम पद।
बिछुरत दीनदयाल प्रिय तनु तृन इव परिहरेउ।।16।।
चौपाई
puni baṃdauom sārada surasaritā. jugala punīta manōhara caritā..
majjana pāna pāpa hara ēkā. kahata sunata ēka hara abibēkā..
gura pitu mātu mahēsa bhavānī. pranavauom dīnabaṃdhu dina dānī..
sēvaka svāmi sakhā siya pī kē. hita nirupadhi saba bidhi tulasīkē..
kali bilōki jaga hita hara girijā. sābara maṃtra jāla jinha sirijā..
anamila ākhara aratha na jāpū. pragaṭa prabhāu mahēsa pratāpū..
sō umēsa mōhi para anukūlā. karihiṃ kathā muda maṃgala mūlā..
sumiri sivā siva pāi pasāū. baranauom rāmacarita cita cāū..
bhaniti mōri siva kṛpāom bibhātī. sasi samāja mili manahuom surātī..
jē ēhi kathahi sanēha samētā. kahihahiṃ sunihahiṃ samujhi sacētā..
hōihahiṃ rāma carana anurāgī. kali mala rahita sumaṃgala bhāgī..
चौपाई
baṃdauom avadha purī ati pāvani. sarajū sari kali kaluṣa nasāvani..
pranavauom pura nara nāri bahōrī. mamatā jinha para prabhuhi na thōrī..
siya niṃdaka agha ōgha nasāē. lōka bisōka banāi basāē..
baṃdauom kausalyā disi prācī. kīrati jāsu sakala jaga mācī..
pragaṭēu jahaom raghupati sasi cārū. bisva sukhada khala kamala tusārū..
dasaratha rāu sahita saba rānī. sukṛta sumaṃgala mūrati mānī..
karauom pranāma karama mana bānī. karahu kṛpā suta sēvaka jānī..
jinhahi biraci baḍa bhayau bidhātā. mahimā avadhi rāma pitu mātā..
