चौपाई
जनि आचरुज करहु मन माहीं। सुत तप तें दुर्लभ कछु नाहीं।।
तपबल तें जग सृजइ बिधाता। तपबल बिष्नु भए परित्राता।।
तपबल संभु करहिं संघारा। तप तें अगम न कछु संसारा।।
भयउ नृपहि सुनि अति अनुरागा। कथा पुरातन कहै सो लागा।।
करम धरम इतिहास अनेका। करइ निरूपन बिरति बिबेका।।
उदभव पालन प्रलय कहानी। कहेसि अमित आचरज बखानी।।
सुनि महिप तापस बस भयऊ। आपन नाम कहत तब लयऊ।।
कह तापस नृप जानउँ तोही। कीन्हेहु कपट लाग भल मोही।।
दोहा/सोरठा
सुनु महीस असि नीति जहँ तहँ नाम न कहहिं नृप।
मोहि तोहि पर अति प्रीति सोइ चतुरता बिचारि तव।।163।।
चौपाई
नाम तुम्हार प्रताप दिनेसा। सत्यकेतु तव पिता नरेसा।।
गुर प्रसाद सब जानिअ राजा। कहिअ न आपन जानि अकाजा।।
देखि तात तव सहज सुधाई। प्रीति प्रतीति नीति निपुनाई।।
उपजि परि ममता मन मोरें। कहउँ कथा निज पूछे तोरें।।
अब प्रसन्न मैं संसय नाहीं। मागु जो भूप भाव मन माहीं।।
सुनि सुबचन भूपति हरषाना। गहि पद बिनय कीन्हि बिधि नाना।।
कृपासिंधु मुनि दरसन तोरें। चारि पदारथ करतल मोरें।।
प्रभुहि तथापि प्रसन्न बिलोकी। मागि अगम बर होउँ असोकी।।
दोहा/सोरठा
जरा मरन दुख रहित तनु समर जितै जनि कोउ।
एकछत्र रिपुहीन महि राज कलप सत होउ।।164।।
चौपाई
jani ācaruja karahu mana māhīṃ. suta tapa tēṃ durlabha kachu nāhīṃ..
tapabala tēṃ jaga sṛjai bidhātā. tapabala biṣnu bhaē paritrātā..
tapabala saṃbhu karahiṃ saṃghārā. tapa tēṃ agama na kachu saṃsārā..
bhayau nṛpahi suni ati anurāgā. kathā purātana kahai sō lāgā..
karama dharama itihāsa anēkā. karai nirūpana birati bibēkā..
udabhava pālana pralaya kahānī. kahēsi amita ācaraja bakhānī..
suni mahipa tāpasa basa bhayaū. āpana nāma kahata taba layaū..
kaha tāpasa nṛpa jānauom tōhī. kīnhēhu kapaṭa lāga bhala mōhī..
चौपाई
nāma tumhāra pratāpa dinēsā. satyakētu tava pitā narēsā..
gura prasāda saba jānia rājā. kahia na āpana jāni akājā..
dēkhi tāta tava sahaja sudhāī. prīti pratīti nīti nipunāī..
upaji pari mamatā mana mōrēṃ. kahauom kathā nija pūchē tōrēṃ..
aba prasanna maiṃ saṃsaya nāhīṃ. māgu jō bhūpa bhāva mana māhīṃ..
suni subacana bhūpati haraṣānā. gahi pada binaya kīnhi bidhi nānā..
kṛpāsiṃdhu muni darasana tōrēṃ. cāri padāratha karatala mōrēṃ..
prabhuhi tathāpi prasanna bilōkī. māgi agama bara hōuom asōkī..
