चौपाई
कह तापस नृप ऐसेइ होऊ। कारन एक कठिन सुनु सोऊ।।
कालउ तुअ पद नाइहि सीसा। एक बिप्रकुल छाड़ि महीसा।।
तपबल बिप्र सदा बरिआरा। तिन्ह के कोप न कोउ रखवारा।।
जौं बिप्रन्ह सब करहु नरेसा। तौ तुअ बस बिधि बिष्नु महेसा।।
चल न ब्रह्मकुल सन बरिआई। सत्य कहउँ दोउ भुजा उठाई।।
बिप्र श्राप बिनु सुनु महिपाला। तोर नास नहि कवनेहुँ काला।।
हरषेउ राउ बचन सुनि तासू। नाथ न होइ मोर अब नासू।।
तव प्रसाद प्रभु कृपानिधाना। मो कहुँ सर्ब काल कल्याना।।
दोहा/सोरठा
एवमस्तु कहि कपटमुनि बोला कुटिल बहोरि।
मिलब हमार भुलाब निज कहहु त हमहि न खोरि।।165।।
चौपाई
तातें मै तोहि बरजउँ राजा। कहें कथा तव परम अकाजा।।
छठें श्रवन यह परत कहानी। नास तुम्हार सत्य मम बानी।।
यह प्रगटें अथवा द्विजश्रापा। नास तोर सुनु भानुप्रतापा।।
आन उपायँ निधन तव नाहीं। जौं हरि हर कोपहिं मन माहीं।।
सत्य नाथ पद गहि नृप भाषा। द्विज गुर कोप कहहु को राखा।।
राखइ गुर जौं कोप बिधाता। गुर बिरोध नहिं कोउ जग त्राता।।
जौं न चलब हम कहे तुम्हारें। होउ नास नहिं सोच हमारें।।
एकहिं डर डरपत मन मोरा। प्रभु महिदेव श्राप अति घोरा।।
दोहा/सोरठा
होहिं बिप्र बस कवन बिधि कहहु कृपा करि सोउ।
तुम्ह तजि दीनदयाल निज हितू न देखउँ कोउँ।।166।।
चौपाई
kaha tāpasa nṛpa aisēi hōū. kārana ēka kaṭhina sunu sōū..
kālau tua pada nāihi sīsā. ēka biprakula chāḍai mahīsā..
tapabala bipra sadā bariārā. tinha kē kōpa na kōu rakhavārā..
jauṃ bipranha saba karahu narēsā. tau tua basa bidhi biṣnu mahēsā..
cala na brahmakula sana bariāī. satya kahauom dōu bhujā uṭhāī..
bipra śrāpa binu sunu mahipālā. tōra nāsa nahi kavanēhuom kālā..
haraṣēu rāu bacana suni tāsū. nātha na hōi mōra aba nāsū..
tava prasāda prabhu kṛpānidhānā. mō kahuom sarba kāla kalyānā..
चौपाई
tātēṃ mai tōhi barajauom rājā. kahēṃ kathā tava parama akājā..
chaṭhēṃ śravana yaha parata kahānī. nāsa tumhāra satya mama bānī..
yaha pragaṭēṃ athavā dvijaśrāpā. nāsa tōra sunu bhānupratāpā..
āna upāyaom nidhana tava nāhīṃ. jauṃ hari hara kōpahiṃ mana māhīṃ..
satya nātha pada gahi nṛpa bhāṣā. dvija gura kōpa kahahu kō rākhā..
rākhai gura jauṃ kōpa bidhātā. gura birōdha nahiṃ kōu jaga trātā..
jauṃ na calaba hama kahē tumhārēṃ. hōu nāsa nahiṃ sōca hamārēṃ..
ēkahiṃ ḍara ḍarapata mana mōrā. prabhu mahidēva śrāpa ati ghōrā..
