चौपाई
सुनु नृप बिबिध जतन जग माहीं। कष्टसाध्य पुनि होहिं कि नाहीं।।
अहइ एक अति सुगम उपाई। तहाँ परंतु एक कठिनाई।।
मम आधीन जुगुति नृप सोई। मोर जाब तव नगर न होई।।
आजु लगें अरु जब तें भयऊँ। काहू के गृह ग्राम न गयऊँ।।
जौं न जाउँ तव होइ अकाजू। बना आइ असमंजस आजू।।
सुनि महीस बोलेउ मृदु बानी। नाथ निगम असि नीति बखानी।।
बड़े सनेह लघुन्ह पर करहीं। गिरि निज सिरनि सदा तृन धरहीं।।
जलधि अगाध मौलि बह फेनू। संतत धरनि धरत सिर रेनू।।
दोहा/सोरठा
अस कहि गहे नरेस पद स्वामी होहु कृपाल।
मोहि लागि दुख सहिअ प्रभु सज्जन दीनदयाल।।167।।
चौपाई
जानि नृपहि आपन आधीना। बोला तापस कपट प्रबीना।।
सत्य कहउँ भूपति सुनु तोही। जग नाहिन दुर्लभ कछु मोही।।
अवसि काज मैं करिहउँ तोरा। मन तन बचन भगत तैं मोरा।।
जोग जुगुति तप मंत्र प्रभाऊ। फलइ तबहिं जब करिअ दुराऊ।।
जौं नरेस मैं करौं रसोई। तुम्ह परुसहु मोहि जान न कोई।।
अन्न सो जोइ जोइ भोजन करई। सोइ सोइ तव आयसु अनुसरई।।
पुनि तिन्ह के गृह जेवँइ जोऊ। तव बस होइ भूप सुनु सोऊ।।
जाइ उपाय रचहु नृप एहू। संबत भरि संकलप करेहू।।
दोहा/सोरठा
नित नूतन द्विज सहस सत बरेहु सहित परिवार।
मैं तुम्हरे संकलप लगि दिनहिंकरिब जेवनार।।168।।
चौपाई
sunu nṛpa bibidha jatana jaga māhīṃ. kaṣṭasādhya puni hōhiṃ ki nāhīṃ..
ahai ēka ati sugama upāī. tahāom paraṃtu ēka kaṭhināī..
mama ādhīna juguti nṛpa sōī. mōra jāba tava nagara na hōī..
āju lagēṃ aru jaba tēṃ bhayaūom. kāhū kē gṛha grāma na gayaūom..
jauṃ na jāuom tava hōi akājū. banā āi asamaṃjasa ājū..
suni mahīsa bōlēu mṛdu bānī. nātha nigama asi nīti bakhānī..
baḍaē sanēha laghunha para karahīṃ. giri nija sirani sadā tṛna dharahīṃ..
jaladhi agādha mauli baha phēnū. saṃtata dharani dharata sira rēnū..
चौपाई
jāni nṛpahi āpana ādhīnā. bōlā tāpasa kapaṭa prabīnā..
satya kahauom bhūpati sunu tōhī. jaga nāhina durlabha kachu mōhī..
avasi kāja maiṃ karihauom tōrā. mana tana bacana bhagata taiṃ mōrā..
jōga juguti tapa maṃtra prabhāū. phalai tabahiṃ jaba karia durāū..
jauṃ narēsa maiṃ karauṃ rasōī. tumha parusahu mōhi jāna na kōī..
anna sō jōi jōi bhōjana karaī. sōi sōi tava āyasu anusaraī..
puni tinha kē gṛha jēvaomi jōū. tava basa hōi bhūpa sunu sōū..
jāi upāya racahu nṛpa ēhū. saṃbata bhari saṃkalapa karēhū..
