चौपाई
एहि बिधि भूप कष्ट अति थोरें। होइहहिं सकल बिप्र बस तोरें।।
करिहहिं बिप्र होम मख सेवा। तेहिं प्रसंग सहजेहिं बस देवा।।
और एक तोहि कहऊँ लखाऊ। मैं एहि बेष न आउब काऊ।।
तुम्हरे उपरोहित कहुँ राया। हरि आनब मैं करि निज माया।।
तपबल तेहि करि आपु समाना। रखिहउँ इहाँ बरष परवाना।।
मैं धरि तासु बेषु सुनु राजा। सब बिधि तोर सँवारब काजा।।
गै निसि बहुत सयन अब कीजे। मोहि तोहि भूप भेंट दिन तीजे।।
मैं तपबल तोहि तुरग समेता। पहुँचेहउँ सोवतहि निकेता।।
दोहा/सोरठा
मैं आउब सोइ बेषु धरि पहिचानेहु तब मोहि।
जब एकांत बोलाइ सब कथा सुनावौं तोहि।।169।।
चौपाई
सयन कीन्ह नृप आयसु मानी। आसन जाइ बैठ छलग्यानी।।
श्रमित भूप निद्रा अति आई। सो किमि सोव सोच अधिकाई।।
कालकेतु निसिचर तहँ आवा। जेहिं सूकर होइ नृपहि भुलावा।।
परम मित्र तापस नृप केरा। जानइ सो अति कपट घनेरा।।
तेहि के सत सुत अरु दस भाई। खल अति अजय देव दुखदाई।।
प्रथमहि भूप समर सब मारे। बिप्र संत सुर देखि दुखारे।।
तेहिं खल पाछिल बयरु सँभरा। तापस नृप मिलि मंत्र बिचारा।।
जेहि रिपु छय सोइ रचेन्हि उपाऊ। भावी बस न जान कछु राऊ।।
दोहा/सोरठा
रिपु तेजसी अकेल अपि लघु करि गनिअ न ताहु।
अजहुँ देत दुख रबि ससिहि सिर अवसेषित राहु।।170।।
चौपाई
ēhi bidhi bhūpa kaṣṭa ati thōrēṃ. hōihahiṃ sakala bipra basa tōrēṃ..
karihahiṃ bipra hōma makha sēvā. tēhiṃ prasaṃga sahajēhiṃ basa dēvā..
aura ēka tōhi kahaūom lakhāū. maiṃ ēhi bēṣa na āuba kāū..
tumharē uparōhita kahuom rāyā. hari ānaba maiṃ kari nija māyā..
tapabala tēhi kari āpu samānā. rakhihauom ihāom baraṣa paravānā..
maiṃ dhari tāsu bēṣu sunu rājā. saba bidhi tōra saomvāraba kājā..
gai nisi bahuta sayana aba kījē. mōhi tōhi bhūpa bhēṃṭa dina tījē..
maiṃ tapabala tōhi turaga samētā. pahuomcēhauom sōvatahi nikētā..
चौपाई
sayana kīnha nṛpa āyasu mānī. āsana jāi baiṭha chalagyānī..
śramita bhūpa nidrā ati āī. sō kimi sōva sōca adhikāī..
kālakētu nisicara tahaom āvā. jēhiṃ sūkara hōi nṛpahi bhulāvā..
parama mitra tāpasa nṛpa kērā. jānai sō ati kapaṭa ghanērā..
tēhi kē sata suta aru dasa bhāī. khala ati ajaya dēva dukhadāī..
prathamahi bhūpa samara saba mārē. bipra saṃta sura dēkhi dukhārē..
tēhiṃ khala pāchila bayaru saombharā. tāpasa nṛpa mili maṃtra bicārā..
jēhi ripu chaya sōi racēnhi upāū. bhāvī basa na jāna kachu rāū..
