चौपाई
तापस नृप निज सखहि निहारी। हरषि मिलेउ उठि भयउ सुखारी।।
मित्रहि कहि सब कथा सुनाई। जातुधान बोला सुख पाई।।
अब साधेउँ रिपु सुनहु नरेसा। जौं तुम्ह कीन्ह मोर उपदेसा।।
परिहरि सोच रहहु तुम्ह सोई। बिनु औषध बिआधि बिधि खोई।।
कुल समेत रिपु मूल बहाई। चौथे दिवस मिलब मैं आई।।
तापस नृपहि बहुत परितोषी। चला महाकपटी अतिरोषी।।
भानुप्रतापहि बाजि समेता। पहुँचाएसि छन माझ निकेता।।
नृपहि नारि पहिं सयन कराई। हयगृहँ बाँधेसि बाजि बनाई।।
दोहा/सोरठा
राजा के उपरोहितहि हरि लै गयउ बहोरि।
लै राखेसि गिरि खोह महुँ मायाँ करि मति भोरि।।171।।
चौपाई
आपु बिरचि उपरोहित रूपा। परेउ जाइ तेहि सेज अनूपा।।
जागेउ नृप अनभएँ बिहाना। देखि भवन अति अचरजु माना।।
मुनि महिमा मन महुँ अनुमानी। उठेउ गवँहि जेहि जान न रानी।।
कानन गयउ बाजि चढ़ि तेहीं। पुर नर नारि न जानेउ केहीं।।
गएँ जाम जुग भूपति आवा। घर घर उत्सव बाज बधावा।।
उपरोहितहि देख जब राजा। चकित बिलोकि सुमिरि सोइ काजा।।
जुग सम नृपहि गए दिन तीनी। कपटी मुनि पद रह मति लीनी।।
समय जानि उपरोहित आवा। नृपहि मते सब कहि समुझावा।।
दोहा/सोरठा
नृप हरषेउ पहिचानि गुरु भ्रम बस रहा न चेत।
बरे तुरत सत सहस बर बिप्र कुटुंब समेत।।172।।
चौपाई
tāpasa nṛpa nija sakhahi nihārī. haraṣi milēu uṭhi bhayau sukhārī..
mitrahi kahi saba kathā sunāī. jātudhāna bōlā sukha pāī..
aba sādhēuom ripu sunahu narēsā. jauṃ tumha kīnha mōra upadēsā..
parihari sōca rahahu tumha sōī. binu auṣadha biādhi bidhi khōī..
kula samēta ripu mūla bahāī. cauthē divasa milaba maiṃ āī..
tāpasa nṛpahi bahuta paritōṣī. calā mahākapaṭī atirōṣī..
bhānupratāpahi bāji samētā. pahuomcāēsi chana mājha nikētā..
nṛpahi nāri pahiṃ sayana karāī. hayagṛhaom bāomdhēsi bāji banāī..
चौपाई
āpu biraci uparōhita rūpā. parēu jāi tēhi sēja anūpā..
jāgēu nṛpa anabhaēom bihānā. dēkhi bhavana ati acaraju mānā..
muni mahimā mana mahuom anumānī. uṭhēu gavaomhi jēhi jāna na rānī..
kānana gayau bāji caḍhai tēhīṃ. pura nara nāri na jānēu kēhīṃ..
gaēom jāma juga bhūpati āvā. ghara ghara utsava bāja badhāvā..
uparōhitahi dēkha jaba rājā. cakita bilōki sumiri sōi kājā..
juga sama nṛpahi gaē dina tīnī. kapaṭī muni pada raha mati līnī..
samaya jāni uparōhita āvā. nṛpahi matē saba kahi samujhāvā..
