चौपाई
उपरोहित जेवनार बनाई। छरस चारि बिधि जसि श्रुति गाई।।
मायामय तेहिं कीन्ह रसोई। बिंजन बहु गनि सकइ न कोई।।
बिबिध मृगन्ह कर आमिष राँधा। तेहि महुँ बिप्र माँसु खल साँधा।।
भोजन कहुँ सब बिप्र बोलाए। पद पखारि सादर बैठाए।।
परुसन जबहिं लाग महिपाला। भै अकासबानी तेहि काला।।
बिप्रबृंद उठि उठि गृह जाहू। है बड़ि हानि अन्न जनि खाहू।।
भयउ रसोईं भूसुर माँसू। सब द्विज उठे मानि बिस्वासू।।
भूप बिकल मति मोहँ भुलानी। भावी बस आव मुख बानी।।
दोहा/सोरठा
बोले बिप्र सकोप तब नहिं कछु कीन्ह बिचार।
जाइ निसाचर होहु नृप मूढ़ सहित परिवार।।173।।
चौपाई
छत्रबंधु तैं बिप्र बोलाई। घालै लिए सहित समुदाई।।
ईस्वर राखा धरम हमारा। जैहसि तैं समेत परिवारा।।
संबत मध्य नास तव होऊ। जलदाता न रहिहि कुल कोऊ।।
नृप सुनि श्राप बिकल अति त्रासा। भै बहोरि बर गिरा अकासा।।
बिप्रहु श्राप बिचारि न दीन्हा। नहिं अपराध भूप कछु कीन्हा।।
चकित बिप्र सब सुनि नभबानी। भूप गयउ जहँ भोजन खानी।।
तहँ न असन नहिं बिप्र सुआरा। फिरेउ राउ मन सोच अपारा।।
सब प्रसंग महिसुरन्ह सुनाई। त्रसित परेउ अवनीं अकुलाई।।
दोहा/सोरठा
भूपति भावी मिटइ नहिं जदपि न दूषन तोर।
किएँ अन्यथा होइ नहिं बिप्रश्राप अति घोर।।174।।
चौपाई
uparōhita jēvanāra banāī. charasa cāri bidhi jasi śruti gāī..
māyāmaya tēhiṃ kīnha rasōī. biṃjana bahu gani sakai na kōī..
bibidha mṛganha kara āmiṣa rāomdhā. tēhi mahuom bipra māomsu khala sāomdhā..
bhōjana kahuom saba bipra bōlāē. pada pakhāri sādara baiṭhāē..
parusana jabahiṃ lāga mahipālā. bhai akāsabānī tēhi kālā..
biprabṛṃda uṭhi uṭhi gṛha jāhū. hai baḍai hāni anna jani khāhū..
bhayau rasōīṃ bhūsura māomsū. saba dvija uṭhē māni bisvāsū..
bhūpa bikala mati mōhaom bhulānī. bhāvī basa āva mukha bānī..
चौपाई
chatrabaṃdhu taiṃ bipra bōlāī. ghālai liē sahita samudāī..
īsvara rākhā dharama hamārā. jaihasi taiṃ samēta parivārā..
saṃbata madhya nāsa tava hōū. jaladātā na rahihi kula kōū..
nṛpa suni śrāpa bikala ati trāsā. bhai bahōri bara girā akāsā..
biprahu śrāpa bicāri na dīnhā. nahiṃ aparādha bhūpa kachu kīnhā..
cakita bipra saba suni nabhabānī. bhūpa gayau jahaom bhōjana khānī..
tahaom na asana nahiṃ bipra suārā. phirēu rāu mana sōca apārā..
saba prasaṃga mahisuranha sunāī. trasita parēu avanīṃ akulāī..
