चौपाई
अस कहि सब महिदेव सिधाए। समाचार पुरलोगन्ह पाए।।
सोचहिं दूषन दैवहि देहीं। बिचरत हंस काग किय जेहीं।।
उपरोहितहि भवन पहुँचाई। असुर तापसहि खबरि जनाई।।
तेहिं खल जहँ तहँ पत्र पठाए। सजि सजि सेन भूप सब धाए।।
घेरेन्हि नगर निसान बजाई। बिबिध भाँति नित होई लराई।।
जूझे सकल सुभट करि करनी। बंधु समेत परेउ नृप धरनी।।
सत्यकेतु कुल कोउ नहिं बाँचा। बिप्रश्राप किमि होइ असाँचा।।
रिपु जिति सब नृप नगर बसाई। निज पुर गवने जय जसु पाई।।
दोहा/सोरठा
भरद्वाज सुनु जाहि जब होइ बिधाता बाम।
धूरि मेरुसम जनक जम ताहि ब्यालसम दाम।।।175।।
चौपाई
काल पाइ मुनि सुनु सोइ राजा। भयउ निसाचर सहित समाजा।।
दस सिर ताहि बीस भुजदंडा। रावन नाम बीर बरिबंडा।।
भूप अनुज अरिमर्दन नामा। भयउ सो कुंभकरन बलधामा।।
सचिव जो रहा धरमरुचि जासू। भयउ बिमात्र बंधु लघु तासू।।
नाम बिभीषन जेहि जग जाना। बिष्नुभगत बिग्यान निधाना।।
रहे जे सुत सेवक नृप केरे। भए निसाचर घोर घनेरे।।
कामरूप खल जिनस अनेका। कुटिल भयंकर बिगत बिबेका।।
कृपा रहित हिंसक सब पापी। बरनि न जाहिं बिस्व परितापी।।
दोहा/सोरठा
उपजे जदपि पुलस्त्यकुल पावन अमल अनूप।
तदपि महीसुर श्राप बस भए सकल अघरूप।।176।।
चौपाई
asa kahi saba mahidēva sidhāē. samācāra puralōganha pāē..
sōcahiṃ dūṣana daivahi dēhīṃ. bicarata haṃsa kāga kiya jēhīṃ..
uparōhitahi bhavana pahuomcāī. asura tāpasahi khabari janāī..
tēhiṃ khala jahaom tahaom patra paṭhāē. saji saji sēna bhūpa saba dhāē..
ghērēnhi nagara nisāna bajāī. bibidha bhāomti nita hōī larāī..
jūjhē sakala subhaṭa kari karanī. baṃdhu samēta parēu nṛpa dharanī..
satyakētu kula kōu nahiṃ bāomcā. bipraśrāpa kimi hōi asāomcā..
ripu jiti saba nṛpa nagara basāī. nija pura gavanē jaya jasu pāī..
चौपाई
kāla pāi muni sunu sōi rājā. bhayau nisācara sahita samājā..
dasa sira tāhi bīsa bhujadaṃḍā. rāvana nāma bīra baribaṃḍā..
bhūpa anuja arimardana nāmā. bhayau sō kuṃbhakarana baladhāmā..
saciva jō rahā dharamaruci jāsū. bhayau bimātra baṃdhu laghu tāsū..
nāma bibhīṣana jēhi jaga jānā. biṣnubhagata bigyāna nidhānā..
rahē jē suta sēvaka nṛpa kērē. bhaē nisācara ghōra ghanērē..
kāmarūpa khala jinasa anēkā. kuṭila bhayaṃkara bigata bibēkā..
kṛpā rahita hiṃsaka saba pāpī. barani na jāhiṃ bisva paritāpī..
