चौपाई
रहे तहाँ निसिचर भट भारे। ते सब सुरन्ह समर संघारे।।
अब तहँ रहहिं सक्र के प्रेरे। रच्छक कोटि जच्छपति केरे।।
दसमुख कतहुँ खबरि असि पाई। सेन साजि गढ़ घेरेसि जाई।।
देखि बिकट भट बड़ि कटकाई। जच्छ जीव लै गए पराई।।
फिरि सब नगर दसानन देखा। गयउ सोच सुख भयउ बिसेषा।।
सुंदर सहज अगम अनुमानी। कीन्हि तहाँ रावन रजधानी।।
जेहि जस जोग बाँटि गृह दीन्हे। सुखी सकल रजनीचर कीन्हे।।
एक बार कुबेर पर धावा। पुष्पक जान जीति लै आवा।।
दोहा/सोरठा
कौतुकहीं कैलास पुनि लीन्हेसि जाइ उठाइ।
मनहुँ तौलि निज बाहुबल चला बहुत सुख पाइ।।179।।
चौपाई
सुख संपति सुत सेन सहाई। जय प्रताप बल बुद्धि बड़ाई।।
नित नूतन सब बाढ़त जाई। जिमि प्रतिलाभ लोभ अधिकाई।।
अतिबल कुंभकरन अस भ्राता। जेहि कहुँ नहिं प्रतिभट जग जाता।।
करइ पान सोवइ षट मासा। जागत होइ तिहुँ पुर त्रासा।।
जौं दिन प्रति अहार कर सोई। बिस्व बेगि सब चौपट होई।।
समर धीर नहिं जाइ बखाना। तेहि सम अमित बीर बलवाना।।
बारिदनाद जेठ सुत तासू। भट महुँ प्रथम लीक जग जासू।।
जेहि न होइ रन सनमुख कोई। सुरपुर नितहिं परावन होई।।
दोहा/सोरठा
कुमुख अकंपन कुलिसरद धूमकेतु अतिकाय।
एक एक जग जीति सक ऐसे सुभट निकाय।।180।।
चौपाई
rahē tahāom nisicara bhaṭa bhārē. tē saba suranha samara saṃghārē..
aba tahaom rahahiṃ sakra kē prērē. racchaka kōṭi jacchapati kērē..
dasamukha katahuom khabari asi pāī. sēna sāji gaḍha ghērēsi jāī..
dēkhi bikaṭa bhaṭa baḍai kaṭakāī. jaccha jīva lai gaē parāī..
phiri saba nagara dasānana dēkhā. gayau sōca sukha bhayau bisēṣā..
suṃdara sahaja agama anumānī. kīnhi tahāom rāvana rajadhānī..
jēhi jasa jōga bāomṭi gṛha dīnhē. sukhī sakala rajanīcara kīnhē..
ēka bāra kubēra para dhāvā. puṣpaka jāna jīti lai āvā..
चौपाई
sukha saṃpati suta sēna sahāī. jaya pratāpa bala buddhi baḍaāī..
nita nūtana saba bāḍhata jāī. jimi pratilābha lōbha adhikāī..
atibala kuṃbhakarana asa bhrātā. jēhi kahuom nahiṃ pratibhaṭa jaga jātā..
karai pāna sōvai ṣaṭa māsā. jāgata hōi tihuom pura trāsā..
jauṃ dina prati ahāra kara sōī. bisva bēgi saba caupaṭa hōī..
samara dhīra nahiṃ jāi bakhānā. tēhi sama amita bīra balavānā..
bāridanāda jēṭha suta tāsū. bhaṭa mahuom prathama līka jaga jāsū..
jēhi na hōi rana sanamukha kōī. surapura nitahiṃ parāvana hōī..
