चौपाई
सुनि सिसु रुदन परम प्रिय बानी। संभ्रम चलि आई सब रानी।।
हरषित जहँ तहँ धाईं दासी। आनँद मगन सकल पुरबासी।।
दसरथ पुत्रजन्म सुनि काना। मानहुँ ब्रह्मानंद समाना।।
परम प्रेम मन पुलक सरीरा। चाहत उठत करत मति धीरा।।
जाकर नाम सुनत सुभ होई। मोरें गृह आवा प्रभु सोई।।
परमानंद पूरि मन राजा। कहा बोलाइ बजावहु बाजा।।
गुर बसिष्ठ कहँ गयउ हँकारा। आए द्विजन सहित नृपद्वारा।।
अनुपम बालक देखेन्हि जाई। रूप रासि गुन कहि न सिराई।।
दोहा/सोरठा
नंदीमुख सराध करि जातकरम सब कीन्ह।
हाटक धेनु बसन मनि नृप बिप्रन्ह कहँ दीन्ह।।193।।
चौपाई
ध्वज पताक तोरन पुर छावा। कहि न जाइ जेहि भाँति बनावा।।
सुमनबृष्टि अकास तें होई। ब्रह्मानंद मगन सब लोई।।
बृंद बृंद मिलि चलीं लोगाई। सहज संगार किएँ उठि धाई।।
कनक कलस मंगल धरि थारा। गावत पैठहिं भूप दुआरा।।
करि आरति नेवछावरि करहीं। बार बार सिसु चरनन्हि परहीं।।
मागध सूत बंदिगन गायक। पावन गुन गावहिं रघुनायक।।
सर्बस दान दीन्ह सब काहू। जेहिं पावा राखा नहिं ताहू।।
मृगमद चंदन कुंकुम कीचा। मची सकल बीथिन्ह बिच बीचा।।
दोहा/सोरठा
गृह गृह बाज बधाव सुभ प्रगटे सुषमा कंद।
हरषवंत सब जहँ तहँ नगर नारि नर बृंद।।194।।
चौपाई
suni sisu rudana parama priya bānī. saṃbhrama cali āī saba rānī..
haraṣita jahaom tahaom dhāīṃ dāsī. ānaomda magana sakala purabāsī..
dasaratha putrajanma suni kānā. mānahuom brahmānaṃda samānā..
parama prēma mana pulaka sarīrā. cāhata uṭhata karata mati dhīrā..
jākara nāma sunata subha hōī. mōrēṃ gṛha āvā prabhu sōī..
paramānaṃda pūri mana rājā. kahā bōlāi bajāvahu bājā..
gura basiṣṭha kahaom gayau haomkārā. āē dvijana sahita nṛpadvārā..
anupama bālaka dēkhēnhi jāī. rūpa rāsi guna kahi na sirāī..
चौपाई
dhvaja patāka tōrana pura chāvā. kahi na jāi jēhi bhāomti banāvā..
sumanabṛṣṭi akāsa tēṃ hōī. brahmānaṃda magana saba lōī..
bṛṃda bṛṃda mili calīṃ lōgāī. sahaja saṃgāra kiēom uṭhi dhāī..
kanaka kalasa maṃgala dhari thārā. gāvata paiṭhahiṃ bhūpa duārā..
kari ārati nēvachāvari karahīṃ. bāra bāra sisu carananhi parahīṃ..
māgadha sūta baṃdigana gāyaka. pāvana guna gāvahiṃ raghunāyaka..
sarbasa dāna dīnha saba kāhū. jēhiṃ pāvā rākhā nahiṃ tāhū..
mṛgamada caṃdana kuṃkuma kīcā. macī sakala bīthinha bica bīcā..
