चौपाई
कैकयसुता सुमित्रा दोऊ। सुंदर सुत जनमत भैं ओऊ।।
वह सुख संपति समय समाजा। कहि न सकइ सारद अहिराजा।।
अवधपुरी सोहइ एहि भाँती। प्रभुहि मिलन आई जनु राती।।
देखि भानू जनु मन सकुचानी। तदपि बनी संध्या अनुमानी।।
अगर धूप बहु जनु अँधिआरी। उड़इ अभीर मनहुँ अरुनारी।।
मंदिर मनि समूह जनु तारा। नृप गृह कलस सो इंदु उदारा।।
भवन बेदधुनि अति मृदु बानी। जनु खग मूखर समयँ जनु सानी।।
कौतुक देखि पतंग भुलाना। एक मास तेइँ जात न जाना।।
दोहा/सोरठा
मास दिवस कर दिवस भा मरम न जानइ कोइ।
रथ समेत रबि थाकेउ निसा कवन बिधि होइ।।195।।
चौपाई
यह रहस्य काहू नहिं जाना। दिन मनि चले करत गुनगाना।।
देखि महोत्सव सुर मुनि नागा। चले भवन बरनत निज भागा।।
औरउ एक कहउँ निज चोरी। सुनु गिरिजा अति दृढ़ मति तोरी।।
काक भुसुंडि संग हम दोऊ। मनुजरूप जानइ नहिं कोऊ।।
परमानंद प्रेमसुख फूले। बीथिन्ह फिरहिं मगन मन भूले।।
यह सुभ चरित जान पै सोई। कृपा राम कै जापर होई।।
तेहि अवसर जो जेहि बिधि आवा। दीन्ह भूप जो जेहि मन भावा।।
गज रथ तुरग हेम गो हीरा। दीन्हे नृप नानाबिधि चीरा।।
दोहा/सोरठा
मन संतोषे सबन्हि के जहँ तहँ देहि असीस।
सकल तनय चिर जीवहुँ तुलसिदास के ईस।।196।।
चौपाई
kaikayasutā sumitrā dōū. suṃdara suta janamata bhaiṃ ōū..
vaha sukha saṃpati samaya samājā. kahi na sakai sārada ahirājā..
avadhapurī sōhai ēhi bhāomtī. prabhuhi milana āī janu rātī..
dēkhi bhānū janu mana sakucānī. tadapi banī saṃdhyā anumānī..
agara dhūpa bahu janu aomdhiārī. uḍai abhīra manahuom arunārī..
maṃdira mani samūha janu tārā. nṛpa gṛha kalasa sō iṃdu udārā..
bhavana bēdadhuni ati mṛdu bānī. janu khaga mūkhara samayaom janu sānī..
kautuka dēkhi pataṃga bhulānā. ēka māsa tēiom jāta na jānā..
चौपाई
yaha rahasya kāhū nahiṃ jānā. dina mani calē karata gunagānā..
dēkhi mahōtsava sura muni nāgā. calē bhavana baranata nija bhāgā..
aurau ēka kahauom nija cōrī. sunu girijā ati dṛḍha mati tōrī..
kāka bhusuṃḍi saṃga hama dōū. manujarūpa jānai nahiṃ kōū..
paramānaṃda prēmasukha phūlē. bīthinha phirahiṃ magana mana bhūlē..
yaha subha carita jāna pai sōī. kṛpā rāma kai jāpara hōī..
tēhi avasara jō jēhi bidhi āvā. dīnha bhūpa jō jēhi mana bhāvā..
gaja ratha turaga hēma gō hīrā. dīnhē nṛpa nānābidhi cīrā..
