चौपाई
कछुक दिवस बीते एहि भाँती। जात न जानिअ दिन अरु राती।।
नामकरन कर अवसरु जानी। भूप बोलि पठए मुनि ग्यानी।।
करि पूजा भूपति अस भाषा। धरिअ नाम जो मुनि गुनि राखा।।
इन्ह के नाम अनेक अनूपा। मैं नृप कहब स्वमति अनुरूपा।।
जो आनंद सिंधु सुखरासी। सीकर तें त्रैलोक सुपासी।।
सो सुख धाम राम अस नामा। अखिल लोक दायक बिश्रामा।।
बिस्व भरन पोषन कर जोई। ताकर नाम भरत अस होई।।
जाके सुमिरन तें रिपु नासा। नाम सत्रुहन बेद प्रकासा।।
दोहा/सोरठा
लच्छन धाम राम प्रिय सकल जगत आधार।
गुरु बसिष्ट तेहि राखा लछिमन नाम उदार।।197।।
चौपाई
धरे नाम गुर हृदयँ बिचारी। बेद तत्व नृप तव सुत चारी।।
मुनि धन जन सरबस सिव प्राना। बाल केलि तेहिं सुख माना।।
बारेहि ते निज हित पति जानी। लछिमन राम चरन रति मानी।।
भरत सत्रुहन दूनउ भाई। प्रभु सेवक जसि प्रीति बड़ाई।।
स्याम गौर सुंदर दोउ जोरी। निरखहिं छबि जननीं तृन तोरी।।
चारिउ सील रूप गुन धामा। तदपि अधिक सुखसागर रामा।।
हृदयँ अनुग्रह इंदु प्रकासा। सूचत किरन मनोहर हासा।।
कबहुँ उछंग कबहुँ बर पलना। मातु दुलारइ कहि प्रिय ललना।।
दोहा/सोरठा
ब्यापक ब्रह्म निरंजन निर्गुन बिगत बिनोद।
सो अज प्रेम भगति बस कौसल्या के गोद।।198।।
चौपाई
kachuka divasa bītē ēhi bhāomtī. jāta na jānia dina aru rātī..
nāmakarana kara avasaru jānī. bhūpa bōli paṭhaē muni gyānī..
kari pūjā bhūpati asa bhāṣā. dharia nāma jō muni guni rākhā..
inha kē nāma anēka anūpā. maiṃ nṛpa kahaba svamati anurūpā..
jō ānaṃda siṃdhu sukharāsī. sīkara tēṃ trailōka supāsī..
sō sukha dhāma rāma asa nāmā. akhila lōka dāyaka biśrāmā..
bisva bharana pōṣana kara jōī. tākara nāma bharata asa hōī..
jākē sumirana tēṃ ripu nāsā. nāma satruhana bēda prakāsā..
चौपाई
dharē nāma gura hṛdayaom bicārī. bēda tatva nṛpa tava suta cārī..
muni dhana jana sarabasa siva prānā. bāla kēli tēhiṃ sukha mānā..
bārēhi tē nija hita pati jānī. lachimana rāma carana rati mānī..
bharata satruhana dūnau bhāī. prabhu sēvaka jasi prīti baḍaāī..
syāma gaura suṃdara dōu jōrī. nirakhahiṃ chabi jananīṃ tṛna tōrī..
cāriu sīla rūpa guna dhāmā. tadapi adhika sukhasāgara rāmā..
hṛdayaom anugraha iṃdu prakāsā. sūcata kirana manōhara hāsā..
kabahuom uchaṃga kabahuom bara palanā. mātu dulārai kahi priya lalanā..
