चौपाई
जे न मित्र दुख होहिं दुखारी। तिन्हहि बिलोकत पातक भारी।।
निज दुख गिरि सम रज करि जाना। मित्रक दुख रज मेरु समाना।।
जिन्ह कें असि मति सहज न आई। ते सठ कत हठि करत मिताई।।
कुपथ निवारि सुपंथ चलावा। गुन प्रगटे अवगुनन्हि दुरावा।।
देत लेत मन संक न धरई। बल अनुमान सदा हित करई।।
बिपति काल कर सतगुन नेहा। श्रुति कह संत मित्र गुन एहा।।
आगें कह मृदु बचन बनाई। पाछें अनहित मन कुटिलाई।।
जा कर चित अहि गति सम भाई। अस कुमित्र परिहरेहि भलाई।।
सेवक सठ नृप कृपन कुनारी। कपटी मित्र सूल सम चारी।।
सखा सोच त्यागहु बल मोरें। सब बिधि घटब काज मैं तोरें।।
कह सुग्रीव सुनहु रघुबीरा। बालि महाबल अति रनधीरा।।
दुंदुभी अस्थि ताल देखराए। बिनु प्रयास रघुनाथ ढहाए।।
देखि अमित बल बाढ़ी प्रीती। बालि बधब इन्ह भइ परतीती।।
बार बार नावइ पद सीसा। प्रभुहि जानि मन हरष कपीसा।।
उपजा ग्यान बचन तब बोला। नाथ कृपाँ मन भयउ अलोला।।
सुख संपति परिवार बड़ाई। सब परिहरि करिहउँ सेवकाई।।
ए सब रामभगति के बाधक। कहहिं संत तब पद अवराधक।।
सत्रु मित्र सुख दुख जग माहीं। माया कृत परमारथ नाहीं।।
बालि परम हित जासु प्रसादा। मिलेहु राम तुम्ह समन बिषादा।।
सपनें जेहि सन होइ लराई। जागें समुझत मन सकुचाई।।
अब प्रभु कृपा करहु एहि भाँती। सब तजि भजनु करौं दिन राती।।
सुनि बिराग संजुत कपि बानी। बोले बिहँसि रामु धनुपानी।।
जो कछु कहेहु सत्य सब सोई। सखा बचन मम मृषा न होई।।
नट मरकट इव सबहि नचावत। रामु खगेस बेद अस गावत।।
लै सुग्रीव संग रघुनाथा। चले चाप सायक गहि हाथा।।
तब रघुपति सुग्रीव पठावा। गर्जेसि जाइ निकट बल पावा।।
सुनत बालि क्रोधातुर धावा। गहि कर चरन नारि समुझावा।।
सुनु पति जिन्हहि मिलेउ सुग्रीवा। ते द्वौ बंधु तेज बल सींवा।।
कोसलेस सुत लछिमन रामा। कालहु जीति सकहिं संग्रामा।।
दोहा/सोरठा
कह बालि सुनु भीरु प्रिय समदरसी रघुनाथ।
जौं कदाचि मोहि मारहिं तौ पुनि होउँ सनाथ।।7।।
चौपाई
अस कहि चला महा अभिमानी। तृन समान सुग्रीवहि जानी।।
भिरे उभौ बाली अति तर्जा । मुठिका मारि महाधुनि गर्जा।।
तब सुग्रीव बिकल होइ भागा। मुष्टि प्रहार बज्र सम लागा।।
मैं जो कहा रघुबीर कृपाला। बंधु न होइ मोर यह काला।।
एकरूप तुम्ह भ्राता दोऊ। तेहि भ्रम तें नहिं मारेउँ सोऊ।।
कर परसा सुग्रीव सरीरा। तनु भा कुलिस गई सब पीरा।।
मेली कंठ सुमन कै माला। पठवा पुनि बल देइ बिसाला।।
पुनि नाना बिधि भई लराई। बिटप ओट देखहिं रघुराई।।
दोहा/सोरठा
बहु छल बल सुग्रीव कर हियँ हारा भय मानि।
मारा बालि राम तब हृदय माझ सर तानि।।8।।
चौपाई
jē na mitra dukha hōhiṃ dukhārī. tinhahi bilōkata pātaka bhārī..
nija dukha giri sama raja kari jānā. mitraka dukha raja mēru samānā..
jinha kēṃ asi mati sahaja na āī. tē saṭha kata haṭhi karata mitāī..
kupatha nivāri supaṃtha calāvā. guna pragaṭē avagunanhi durāvā..
dēta lēta mana saṃka na dharaī. bala anumāna sadā hita karaī..
bipati kāla kara sataguna nēhā. śruti kaha saṃta mitra guna ēhā..
āgēṃ kaha mṛdu bacana banāī. pāchēṃ anahita mana kuṭilāī..
jā kara cita ahi gati sama bhāī. asa kumitra pariharēhi bhalāī..
sēvaka saṭha nṛpa kṛpana kunārī. kapaṭī mitra sūla sama cārī..
sakhā sōca tyāgahu bala mōrēṃ. saba bidhi ghaṭaba kāja maiṃ tōrēṃ..
kaha sugrīva sunahu raghubīrā. bāli mahābala ati ranadhīrā..
duṃdubhī asthi tāla dēkharāē. binu prayāsa raghunātha ḍhahāē..
dēkhi amita bala bāḍhaī prītī. bāli badhaba inha bhai paratītī..
bāra bāra nāvai pada sīsā. prabhuhi jāni mana haraṣa kapīsā..
upajā gyāna bacana taba bōlā. nātha kṛpāom mana bhayau alōlā..
sukha saṃpati parivāra baḍaāī. saba parihari karihauom sēvakāī..
ē saba rāmabhagati kē bādhaka. kahahiṃ saṃta taba pada avarādhaka..
satru mitra sukha dukha jaga māhīṃ. māyā kṛta paramāratha nāhīṃ..
bāli parama hita jāsu prasādā. milēhu rāma tumha samana biṣādā..
sapanēṃ jēhi sana hōi larāī. jāgēṃ samujhata mana sakucāī..
aba prabhu kṛpā karahu ēhi bhāomtī. saba taji bhajanu karauṃ dina rātī..
suni birāga saṃjuta kapi bānī. bōlē bihaomsi rāmu dhanupānī..
jō kachu kahēhu satya saba sōī. sakhā bacana mama mṛṣā na hōī..
naṭa marakaṭa iva sabahi nacāvata. rāmu khagēsa bēda asa gāvata..
lai sugrīva saṃga raghunāthā. calē cāpa sāyaka gahi hāthā..
taba raghupati sugrīva paṭhāvā. garjēsi jāi nikaṭa bala pāvā..
sunata bāli krōdhātura dhāvā. gahi kara carana nāri samujhāvā..
sunu pati jinhahi milēu sugrīvā. tē dvau baṃdhu tēja bala sīṃvā..
kōsalēsa suta lachimana rāmā. kālahu jīti sakahiṃ saṃgrāmā..
चौपाई
asa kahi calā mahā abhimānī. tṛna samāna sugrīvahi jānī..
bhirē ubhau bālī ati tarjā . muṭhikā māri mahādhuni garjā..
taba sugrīva bikala hōi bhāgā. muṣṭi prahāra bajra sama lāgā..
maiṃ jō kahā raghubīra kṛpālā. baṃdhu na hōi mōra yaha kālā..
ēkarūpa tumha bhrātā dōū. tēhi bhrama tēṃ nahiṃ mārēuom sōū..
kara parasā sugrīva sarīrā. tanu bhā kulisa gaī saba pīrā..
mēlī kaṃṭha sumana kai mālā. paṭhavā puni bala dēi bisālā..
puni nānā bidhi bhaī larāī. biṭapa ōṭa dēkhahiṃ raghurāī..
