चौपाई
तुरत निसाचर एक पठावा। समाचार रावनहि जनावा।।
सुनत बिहँसि बोला दससीसा। आनहु बोलि कहाँ कर कीसा।।
आयसु पाइ दूत बहु धाए। कपिकुंजरहि बोलि लै आए।।
अंगद दीख दसानन बैंसें। सहित प्रान कज्जलगिरि जैसें।।
भुजा बिटप सिर सृंग समाना। रोमावली लता जनु नाना।।
मुख नासिका नयन अरु काना। गिरि कंदरा खोह अनुमाना।।
गयउ सभाँ मन नेकु न मुरा। बालितनय अतिबल बाँकुरा।।
उठे सभासद कपि कहुँ देखी। रावन उर भा क्रौध बिसेषी।।
दोहा/सोरठा
जथा मत्त गज जूथ महुँ पंचानन चलि जाइ।
राम प्रताप सुमिरि मन बैठ सभाँ सिरु नाइ।।19।।
चौपाई
कह दसकंठ कवन तैं बंदर। मैं रघुबीर दूत दसकंधर।।
मम जनकहि तोहि रही मिताई। तव हित कारन आयउँ भाई।।
उत्तम कुल पुलस्ति कर नाती। सिव बिरंचि पूजेहु बहु भाँती।।
बर पायहु कीन्हेहु सब काजा। जीतेहु लोकपाल सब राजा।।
नृप अभिमान मोह बस किंबा। हरि आनिहु सीता जगदंबा।।
अब सुभ कहा सुनहु तुम्ह मोरा। सब अपराध छमिहि प्रभु तोरा।।
दसन गहहु तृन कंठ कुठारी। परिजन सहित संग निज नारी।।
सादर जनकसुता करि आगें। एहि बिधि चलहु सकल भय त्यागें।।
दोहा/सोरठा
प्रनतपाल रघुबंसमनि त्राहि त्राहि अब मोहि।
आरत गिरा सुनत प्रभु अभय करैगो तोहि।।20।।
चौपाई
turata nisācara ēka paṭhāvā. samācāra rāvanahi janāvā..
sunata bihaomsi bōlā dasasīsā. ānahu bōli kahāom kara kīsā..
āyasu pāi dūta bahu dhāē. kapikuṃjarahi bōli lai āē..
aṃgada dīkha dasānana baiṃsēṃ. sahita prāna kajjalagiri jaisēṃ..
bhujā biṭapa sira sṛṃga samānā. rōmāvalī latā janu nānā..
mukha nāsikā nayana aru kānā. giri kaṃdarā khōha anumānā..
gayau sabhāom mana nēku na murā. bālitanaya atibala bāomkurā..
uṭhē sabhāsada kapi kahuom dēkhī. rāvana ura bhā kraudha bisēṣī..
चौपाई
kaha dasakaṃṭha kavana taiṃ baṃdara. maiṃ raghubīra dūta dasakaṃdhara..
mama janakahi tōhi rahī mitāī. tava hita kārana āyauom bhāī..
uttama kula pulasti kara nātī. siva biraṃci pūjēhu bahu bhāomtī..
bara pāyahu kīnhēhu saba kājā. jītēhu lōkapāla saba rājā..
nṛpa abhimāna mōha basa kiṃbā. hari ānihu sītā jagadaṃbā..
aba subha kahā sunahu tumha mōrā. saba aparādha chamihi prabhu tōrā..
dasana gahahu tṛna kaṃṭha kuṭhārī. parijana sahita saṃga nija nārī..
sādara janakasutā kari āgēṃ. ēhi bidhi calahu sakala bhaya tyāgēṃ..
