चौपाई
इहाँ प्रात जागे रघुराई। पूछा मत सब सचिव बोलाई।।
कहहु बेगि का करिअ उपाई। जामवंत कह पद सिरु नाई।।
सुनु सर्बग्य सकल उर बासी। बुधि बल तेज धर्म गुन रासी।।
मंत्र कहउँ निज मति अनुसारा। दूत पठाइअ बालिकुमारा।।
नीक मंत्र सब के मन माना। अंगद सन कह कृपानिधाना।।
बालितनय बुधि बल गुन धामा। लंका जाहु तात मम कामा।।
बहुत बुझाइ तुम्हहि का कहऊँ। परम चतुर मैं जानत अहऊँ।।
काजु हमार तासु हित होई। रिपु सन करेहु बतकही सोई।।
दोहा/सोरठा
प्रभु अग्या धरि सीस चरन बंदि अंगद उठेउ।
सोइ गुन सागर ईस राम कृपा जा पर करहु।।17(क)।।
स्वयं सिद्ध सब काज नाथ मोहि आदरु दियउ।
अस बिचारि जुबराज तन पुलकित हरषित हियउ।।17(ख)।।
चौपाई
बंदि चरन उर धरि प्रभुताई। अंगद चलेउ सबहि सिरु नाई।।
प्रभु प्रताप उर सहज असंका। रन बाँकुरा बालिसुत बंका।।
पुर पैठत रावन कर बेटा। खेलत रहा सो होइ गै भैंटा।।
बातहिं बात करष बढ़ि आई। जुगल अतुल बल पुनि तरुनाई।।
तेहि अंगद कहुँ लात उठाई। गहि पद पटकेउ भूमि भवाँई।।
निसिचर निकर देखि भट भारी। जहँ तहँ चले न सकहिं पुकारी।।
एक एक सन मरमु न कहहीं। समुझि तासु बध चुप करि रहहीं।।
भयउ कोलाहल नगर मझारी। आवा कपि लंका जेहीं जारी।।
अब धौं कहा करिहि करतारा। अति सभीत सब करहिं बिचारा।।
बिनु पूछें मगु देहिं दिखाई। जेहि बिलोक सोइ जाइ सुखाई।।
दोहा/सोरठा
गयउ सभा दरबार तब सुमिरि राम पद कंज।
सिंह ठवनि इत उत चितव धीर बीर बल पुंज।।18।।
चौपाई
ihāom prāta jāgē raghurāī. pūchā mata saba saciva bōlāī..
kahahu bēgi kā karia upāī. jāmavaṃta kaha pada siru nāī..
sunu sarbagya sakala ura bāsī. budhi bala tēja dharma guna rāsī..
maṃtra kahauom nija mati anusārā. dūta paṭhāia bālikumārā..
nīka maṃtra saba kē mana mānā. aṃgada sana kaha kṛpānidhānā..
bālitanaya budhi bala guna dhāmā. laṃkā jāhu tāta mama kāmā..
bahuta bujhāi tumhahi kā kahaūom. parama catura maiṃ jānata ahaūom..
kāju hamāra tāsu hita hōī. ripu sana karēhu batakahī sōī..
चौपाई
baṃdi carana ura dhari prabhutāī. aṃgada calēu sabahi siru nāī..
prabhu pratāpa ura sahaja asaṃkā. rana bāomkurā bālisuta baṃkā..
pura paiṭhata rāvana kara bēṭā. khēlata rahā sō hōi gai bhaiṃṭā..
bātahiṃ bāta karaṣa baḍhai āī. jugala atula bala puni tarunāī..
tēhi aṃgada kahuom lāta uṭhāī. gahi pada paṭakēu bhūmi bhavāomī..
nisicara nikara dēkhi bhaṭa bhārī. jahaom tahaom calē na sakahiṃ pukārī..
ēka ēka sana maramu na kahahīṃ. samujhi tāsu badha cupa kari rahahīṃ..
bhayau kōlāhala nagara majhārī. āvā kapi laṃkā jēhīṃ jārī..
aba dhauṃ kahā karihi karatārā. ati sabhīta saba karahiṃ bicārā..
binu pūchēṃ magu dēhiṃ dikhāī. jēhi bilōka sōi jāi sukhāī..
