चौपाई
रे कपिपोत बोलु संभारी। मूढ़ न जानेहि मोहि सुरारी।।
कहु निज नाम जनक कर भाई। केहि नातें मानिऐ मिताई।।
अंगद नाम बालि कर बेटा। तासों कबहुँ भई ही भेटा।।
अंगद बचन सुनत सकुचाना। रहा बालि बानर मैं जाना।।
अंगद तहीं बालि कर बालक। उपजेहु बंस अनल कुल घालक।।
गर्भ न गयहु ब्यर्थ तुम्ह जायहु। निज मुख तापस दूत कहायहु।।
अब कहु कुसल बालि कहँ अहई। बिहँसि बचन तब अंगद कहई।।
दिन दस गएँ बालि पहिं जाई। बूझेहु कुसल सखा उर लाई।।
राम बिरोध कुसल जसि होई। सो सब तोहि सुनाइहि सोई।।
सुनु सठ भेद होइ मन ताकें। श्रीरघुबीर हृदय नहिं जाकें।।
दोहा/सोरठा
हम कुल घालक सत्य तुम्ह कुल पालक दससीस।
अंधउ बधिर न अस कहहिं नयन कान तव बीस।।21।
चौपाई
सिव बिरंचि सुर मुनि समुदाई। चाहत जासु चरन सेवकाई।।
तासु दूत होइ हम कुल बोरा। अइसिहुँ मति उर बिहर न तोरा।।
सुनि कठोर बानी कपि केरी। कहत दसानन नयन तरेरी।।
खल तव कठिन बचन सब सहऊँ। नीति धर्म मैं जानत अहऊँ।।
कह कपि धर्मसीलता तोरी। हमहुँ सुनी कृत पर त्रिय चोरी।।
देखी नयन दूत रखवारी। बूड़ि न मरहु धर्म ब्रतधारी।।
कान नाक बिनु भगिनि निहारी। छमा कीन्हि तुम्ह धर्म बिचारी।।
धर्मसीलता तव जग जागी। पावा दरसु हमहुँ बड़भागी।।
दोहा/सोरठा
जनि जल्पसि जड़ जंतु कपि सठ बिलोकु मम बाहु।
लोकपाल बल बिपुल ससि ग्रसन हेतु सब राहु।।22(क)।।
पुनि नभ सर मम कर निकर कमलन्हि पर करि बास।
सोभत भयउ मराल इव संभु सहित कैलास।।22(ख)।।
चौपाई
rē kapipōta bōlu saṃbhārī. mūḍha na jānēhi mōhi surārī..
kahu nija nāma janaka kara bhāī. kēhi nātēṃ māniai mitāī..
aṃgada nāma bāli kara bēṭā. tāsōṃ kabahuom bhaī hī bhēṭā..
aṃgada bacana sunata sakucānā. rahā bāli bānara maiṃ jānā..
aṃgada tahīṃ bāli kara bālaka. upajēhu baṃsa anala kula ghālaka..
garbha na gayahu byartha tumha jāyahu. nija mukha tāpasa dūta kahāyahu..
aba kahu kusala bāli kahaom ahaī. bihaomsi bacana taba aṃgada kahaī..
dina dasa gaēom bāli pahiṃ jāī. būjhēhu kusala sakhā ura lāī..
rāma birōdha kusala jasi hōī. sō saba tōhi sunāihi sōī..
sunu saṭha bhēda hōi mana tākēṃ. śrīraghubīra hṛdaya nahiṃ jākēṃ..
चौपाई
siva biraṃci sura muni samudāī. cāhata jāsu carana sēvakāī..
tāsu dūta hōi hama kula bōrā. aisihuom mati ura bihara na tōrā..
suni kaṭhōra bānī kapi kērī. kahata dasānana nayana tarērī..
khala tava kaṭhina bacana saba sahaūom. nīti dharma maiṃ jānata ahaūom..
kaha kapi dharmasīlatā tōrī. hamahuom sunī kṛta para triya cōrī..
dēkhī nayana dūta rakhavārī. būḍai na marahu dharma bratadhārī..
kāna nāka binu bhagini nihārī. chamā kīnhi tumha dharma bicārī..
dharmasīlatā tava jaga jāgī. pāvā darasu hamahuom baḍabhāgī..
