चौपाई
उहाँ राम लछिमनहिं निहारी। बोले बचन मनुज अनुसारी।।
अर्ध राति गइ कपि नहिं आयउ। राम उठाइ अनुज उर लायउ।।
सकहु न दुखित देखि मोहि काऊ। बंधु सदा तव मृदुल सुभाऊ।।
मम हित लागि तजेहु पितु माता। सहेहु बिपिन हिम आतप बाता।।
सो अनुराग कहाँ अब भाई। उठहु न सुनि मम बच बिकलाई।।
जौं जनतेउँ बन बंधु बिछोहू। पिता बचन मनतेउँ नहिं ओहू।।
सुत बित नारि भवन परिवारा। होहिं जाहिं जग बारहिं बारा।।
अस बिचारि जियँ जागहु ताता। मिलइ न जगत सहोदर भ्राता।।
जथा पंख बिनु खग अति दीना। मनि बिनु फनि करिबर कर हीना।।
अस मम जिवन बंधु बिनु तोही। जौं जड़ दैव जिआवै मोही।।
जैहउँ अवध कवन मुहु लाई। नारि हेतु प्रिय भाइ गँवाई।।
बरु अपजस सहतेउँ जग माहीं। नारि हानि बिसेष छति नाहीं।।
अब अपलोकु सोकु सुत तोरा। सहिहि निठुर कठोर उर मोरा।।
निज जननी के एक कुमारा। तात तासु तुम्ह प्रान अधारा।।
सौंपेसि मोहि तुम्हहि गहि पानी। सब बिधि सुखद परम हित जानी।।
उतरु काह दैहउँ तेहि जाई। उठि किन मोहि सिखावहु भाई।।
बहु बिधि सिचत सोच बिमोचन। स्त्रवत सलिल राजिव दल लोचन।।
उमा एक अखंड रघुराई। नर गति भगत कृपाल देखाई।।
दोहा/सोरठा
प्रभु प्रलाप सुनि कान बिकल भए बानर निकर।
आइ गयउ हनुमान जिमि करुना महँ बीर रस।।61।।
चौपाई
हरषि राम भेंटेउ हनुमाना। अति कृतग्य प्रभु परम सुजाना।।
तुरत बैद तब कीन्ह उपाई। उठि बैठे लछिमन हरषाई।।
हृदयँ लाइ प्रभु भेंटेउ भ्राता। हरषे सकल भालु कपि ब्राता।।
कपि पुनि बैद तहाँ पहुँचावा। जेहि बिधि तबहिं ताहि लइ आवा।।
यह बृत्तांत दसानन सुनेऊ। अति बिषअद पुनि पुनि सिर धुनेऊ।।
ब्याकुल कुंभकरन पहिं आवा। बिबिध जतन करि ताहि जगावा।।
जागा निसिचर देखिअ कैसा। मानहुँ कालु देह धरि बैसा।।
कुंभकरन बूझा कहु भाई। काहे तव मुख रहे सुखाई।।
कथा कही सब तेहिं अभिमानी। जेहि प्रकार सीता हरि आनी।।
तात कपिन्ह सब निसिचर मारे। महामहा जोधा संघारे।।
दुर्मुख सुररिपु मनुज अहारी। भट अतिकाय अकंपन भारी।।
अपर महोदर आदिक बीरा। परे समर महि सब रनधीरा।।
दोहा/सोरठा
सुनि दसकंधर बचन तब कुंभकरन बिलखान।
जगदंबा हरि आनि अब सठ चाहत कल्यान।।62।।
चौपाई
uhāom rāma lachimanahiṃ nihārī. bōlē bacana manuja anusārī..
ardha rāti gai kapi nahiṃ āyau. rāma uṭhāi anuja ura lāyau..
sakahu na dukhita dēkhi mōhi kāū. baṃdhu sadā tava mṛdula subhāū..
mama hita lāgi tajēhu pitu mātā. sahēhu bipina hima ātapa bātā..
sō anurāga kahāom aba bhāī. uṭhahu na suni mama baca bikalāī..
jauṃ janatēuom bana baṃdhu bichōhū. pitā bacana manatēuom nahiṃ ōhū..
suta bita nāri bhavana parivārā. hōhiṃ jāhiṃ jaga bārahiṃ bārā..
asa bicāri jiyaom jāgahu tātā. milai na jagata sahōdara bhrātā..
jathā paṃkha binu khaga ati dīnā. mani binu phani karibara kara hīnā..
asa mama jivana baṃdhu binu tōhī. jauṃ jaḍa daiva jiāvai mōhī..
jaihauom avadha kavana muhu lāī. nāri hētu priya bhāi gaomvāī..
baru apajasa sahatēuom jaga māhīṃ. nāri hāni bisēṣa chati nāhīṃ..
aba apalōku sōku suta tōrā. sahihi niṭhura kaṭhōra ura mōrā..
nija jananī kē ēka kumārā. tāta tāsu tumha prāna adhārā..
sauṃpēsi mōhi tumhahi gahi pānī. saba bidhi sukhada parama hita jānī..
utaru kāha daihauom tēhi jāī. uṭhi kina mōhi sikhāvahu bhāī..
bahu bidhi sicata sōca bimōcana. stravata salila rājiva dala lōcana..
umā ēka akhaṃḍa raghurāī. nara gati bhagata kṛpāla dēkhāī..
चौपाई
haraṣi rāma bhēṃṭēu hanumānā. ati kṛtagya prabhu parama sujānā..
turata baida taba kīnha upāī. uṭhi baiṭhē lachimana haraṣāī..
hṛdayaom lāi prabhu bhēṃṭēu bhrātā. haraṣē sakala bhālu kapi brātā..
kapi puni baida tahāom pahuomcāvā. jēhi bidhi tabahiṃ tāhi lai āvā..
yaha bṛttāṃta dasānana sunēū. ati biṣaada puni puni sira dhunēū..
byākula kuṃbhakarana pahiṃ āvā. bibidha jatana kari tāhi jagāvā..
jāgā nisicara dēkhia kaisā. mānahuom kālu dēha dhari baisā..
kuṃbhakarana būjhā kahu bhāī. kāhē tava mukha rahē sukhāī..
kathā kahī saba tēhiṃ abhimānī. jēhi prakāra sītā hari ānī..
tāta kapinha saba nisicara mārē. mahāmahā jōdhā saṃghārē..
durmukha suraripu manuja ahārī. bhaṭa atikāya akaṃpana bhārī..
apara mahōdara ādika bīrā. parē samara mahi saba ranadhīrā..
