चौपाई
मेघनाद के मुरछा जागी। पितहि बिलोकि लाज अति लागी।।
तुरत गयउ गिरिबर कंदरा। करौं अजय मख अस मन धरा।।
इहाँ बिभीषन मंत्र बिचारा। सुनहु नाथ बल अतुल उदारा।।
मेघनाद मख करइ अपावन। खल मायावी देव सतावन।।
जौं प्रभु सिद्ध होइ सो पाइहि। नाथ बेगि पुनि जीति न जाइहि।।
सुनि रघुपति अतिसय सुख माना। बोले अंगदादि कपि नाना।।
लछिमन संग जाहु सब भाई। करहु बिधंस जग्य कर जाई।।
तुम्ह लछिमन मारेहु रन ओही। देखि सभय सुर दुख अति मोही।।
मारेहु तेहि बल बुद्धि उपाई। जेहिं छीजै निसिचर सुनु भाई।।
जामवंत सुग्रीव बिभीषन। सेन समेत रहेहु तीनिउ जन।।
जब रघुबीर दीन्हि अनुसासन। कटि निषंग कसि साजि सरासन।।
प्रभु प्रताप उर धरि रनधीरा। बोले घन इव गिरा गँभीरा।।
जौं तेहि आजु बधें बिनु आवौं। तौ रघुपति सेवक न कहावौं।।
जौं सत संकर करहिं सहाई। तदपि हतउँ रघुबीर दोहाई।।
दोहा/सोरठा
रघुपति चरन नाइ सिरु चलेउ तुरंत अनंत।
अंगद नील मयंद नल संग सुभट हनुमंत।।75।।
चौपाई
जाइ कपिन्ह सो देखा बैसा। आहुति देत रुधिर अरु भैंसा।।
कीन्ह कपिन्ह सब जग्य बिधंसा। जब न उठइ तब करहिं प्रसंसा।।
तदपि न उठइ धरेन्हि कच जाई। लातन्हि हति हति चले पराई।।
लै त्रिसुल धावा कपि भागे। आए जहँ रामानुज आगे।।
आवा परम क्रोध कर मारा। गर्ज घोर रव बारहिं बारा।।
कोपि मरुतसुत अंगद धाए। हति त्रिसूल उर धरनि गिराए।।
प्रभु कहँ छाँड़ेसि सूल प्रचंडा। सर हति कृत अनंत जुग खंडा।।
उठि बहोरि मारुति जुबराजा। हतहिं कोपि तेहि घाउ न बाजा।।
फिरे बीर रिपु मरइ न मारा। तब धावा करि घोर चिकारा।।
आवत देखि क्रुद्ध जनु काला। लछिमन छाड़े बिसिख कराला।।
देखेसि आवत पबि सम बाना। तुरत भयउ खल अंतरधाना।।
बिबिध बेष धरि करइ लराई। कबहुँक प्रगट कबहुँ दुरि जाई।।
देखि अजय रिपु डरपे कीसा। परम क्रुद्ध तब भयउ अहीसा।।
लछिमन मन अस मंत्र दृढ़ावा। एहि पापिहि मैं बहुत खेलावा।।
सुमिरि कोसलाधीस प्रतापा। सर संधान कीन्ह करि दापा।।
छाड़ा बान माझ उर लागा। मरती बार कपटु सब त्यागा।।
दोहा/सोरठा
रामानुज कहँ रामु कहँ अस कहि छाँड़ेसि प्रान।
धन्य धन्य तव जननी कह अंगद हनुमान।।76।।
चौपाई
mēghanāda kē murachā jāgī. pitahi bilōki lāja ati lāgī..
turata gayau giribara kaṃdarā. karauṃ ajaya makha asa mana dharā..
ihāom bibhīṣana maṃtra bicārā. sunahu nātha bala atula udārā..
mēghanāda makha karai apāvana. khala māyāvī dēva satāvana..
jauṃ prabhu siddha hōi sō pāihi. nātha bēgi puni jīti na jāihi..
suni raghupati atisaya sukha mānā. bōlē aṃgadādi kapi nānā..
lachimana saṃga jāhu saba bhāī. karahu bidhaṃsa jagya kara jāī..
tumha lachimana mārēhu rana ōhī. dēkhi sabhaya sura dukha ati mōhī..
mārēhu tēhi bala buddhi upāī. jēhiṃ chījai nisicara sunu bhāī..
jāmavaṃta sugrīva bibhīṣana. sēna samēta rahēhu tīniu jana..
jaba raghubīra dīnhi anusāsana. kaṭi niṣaṃga kasi sāji sarāsana..
prabhu pratāpa ura dhari ranadhīrā. bōlē ghana iva girā gaombhīrā..
jauṃ tēhi āju badhēṃ binu āvauṃ. tau raghupati sēvaka na kahāvauṃ..
jauṃ sata saṃkara karahiṃ sahāī. tadapi hatauom raghubīra dōhāī..
चौपाई
jāi kapinha sō dēkhā baisā. āhuti dēta rudhira aru bhaiṃsā..
kīnha kapinha saba jagya bidhaṃsā. jaba na uṭhai taba karahiṃ prasaṃsā..
tadapi na uṭhai dharēnhi kaca jāī. lātanhi hati hati calē parāī..
lai trisula dhāvā kapi bhāgē. āē jahaom rāmānuja āgē..
āvā parama krōdha kara mārā. garja ghōra rava bārahiṃ bārā..
kōpi marutasuta aṃgada dhāē. hati trisūla ura dharani girāē..
prabhu kahaom chāomḍaēsi sūla pracaṃḍā. sara hati kṛta anaṃta juga khaṃḍā..
uṭhi bahōri māruti jubarājā. hatahiṃ kōpi tēhi ghāu na bājā..
phirē bīra ripu marai na mārā. taba dhāvā kari ghōra cikārā..
āvata dēkhi kruddha janu kālā. lachimana chāḍaē bisikha karālā..
dēkhēsi āvata pabi sama bānā. turata bhayau khala aṃtaradhānā..
bibidha bēṣa dhari karai larāī. kabahuomka pragaṭa kabahuom duri jāī..
dēkhi ajaya ripu ḍarapē kīsā. parama kruddha taba bhayau ahīsā..
lachimana mana asa maṃtra dṛḍhaāvā. ēhi pāpihi maiṃ bahuta khēlāvā..
sumiri kōsalādhīsa pratāpā. sara saṃdhāna kīnha kari dāpā..
chāḍaā bāna mājha ura lāgā. maratī bāra kapaṭu saba tyāgā..
