चौपाई
बिनु प्रयास हनुमान उठायो। लंका द्वार राखि पुनि आयो।।
तासु मरन सुनि सुर गंधर्बा। चढ़ि बिमान आए नभ सर्बा।।
बरषि सुमन दुंदुभीं बजावहिं। श्रीरघुनाथ बिमल जसु गावहिं।।
जय अनंत जय जगदाधारा। तुम्ह प्रभु सब देवन्हि निस्तारा।।
अस्तुति करि सुर सिद्ध सिधाए। लछिमन कृपासिन्धु पहिं आए।।
सुत बध सुना दसानन जबहीं। मुरुछित भयउ परेउ महि तबहीं।।
मंदोदरी रुदन कर भारी। उर ताड़न बहु भाँति पुकारी।।
नगर लोग सब ब्याकुल सोचा। सकल कहहिं दसकंधर पोचा।।
दोहा/सोरठा
तब दसकंठ बिबिध बिधि समुझाईं सब नारि।
नस्वर रूप जगत सब देखहु हृदयँ बिचारि।।77।।
चौपाई
तिन्हहि ग्यान उपदेसा रावन। आपुन मंद कथा सुभ पावन।।
पर उपदेस कुसल बहुतेरे। जे आचरहिं ते नर न घनेरे।।
निसा सिरानि भयउ भिनुसारा। लगे भालु कपि चारिहुँ द्वारा।।
सुभट बोलाइ दसानन बोला। रन सन्मुख जा कर मन डोला।।
सो अबहीं बरु जाउ पराई। संजुग बिमुख भएँ न भलाई।।
निज भुज बल मैं बयरु बढ़ावा। देहउँ उतरु जो रिपु चढ़ि आवा।।
अस कहि मरुत बेग रथ साजा। बाजे सकल जुझाऊ बाजा।।
चले बीर सब अतुलित बली। जनु कज्जल कै आँधी चली।।
असगुन अमित होहिं तेहि काला। गनइ न भुजबल गर्ब बिसाला।।
चौपाई
binu prayāsa hanumāna uṭhāyō. laṃkā dvāra rākhi puni āyō..
tāsu marana suni sura gaṃdharbā. caḍhai bimāna āē nabha sarbā..
baraṣi sumana duṃdubhīṃ bajāvahiṃ. śrīraghunātha bimala jasu gāvahiṃ..
jaya anaṃta jaya jagadādhārā. tumha prabhu saba dēvanhi nistārā..
astuti kari sura siddha sidhāē. lachimana kṛpāsindhu pahiṃ āē..
suta badha sunā dasānana jabahīṃ. muruchita bhayau parēu mahi tabahīṃ..
maṃdōdarī rudana kara bhārī. ura tāḍana bahu bhāomti pukārī..
nagara lōga saba byākula sōcā. sakala kahahiṃ dasakaṃdhara pōcā..
चौपाई
tinhahi gyāna upadēsā rāvana. āpuna maṃda kathā subha pāvana..
para upadēsa kusala bahutērē. jē ācarahiṃ tē nara na ghanērē..
nisā sirāni bhayau bhinusārā. lagē bhālu kapi cārihuom dvārā..
subhaṭa bōlāi dasānana bōlā. rana sanmukha jā kara mana ḍōlā..
sō abahīṃ baru jāu parāī. saṃjuga bimukha bhaēom na bhalāī..
nija bhuja bala maiṃ bayaru baḍhaāvā. dēhauom utaru jō ripu caḍhai āvā..
asa kahi maruta bēga ratha sājā. bājē sakala jujhāū bājā..
calē bīra saba atulita balī. janu kajjala kai āomdhī calī..
asaguna amita hōhiṃ tēhi kālā. ganai na bhujabala garba bisālā..
