चौपाई
सुर ब्रह्मादि सिद्ध मुनि नाना। देखत रन नभ चढ़े बिमाना।।
हमहू उमा रहे तेहि संगा। देखत राम चरित रन रंगा।।
सुभट समर रस दुहु दिसि माते। कपि जयसील राम बल ताते।।
एक एक सन भिरहिं पचारहिं। एकन्ह एक मर्दि महि पारहिं।।
मारहिं काटहिं धरहिं पछारहिं। सीस तोरि सीसन्ह सन मारहिं।।
उदर बिदारहिं भुजा उपारहिं। गहि पद अवनि पटकि भट डारहिं।।
निसिचर भट महि गाड़हि भालू। ऊपर ढारि देहिं बहु बालू।।
बीर बलिमुख जुद्ध बिरुद्धे। देखिअत बिपुल काल जनु क्रुद्धे।।
चौपाई
धायउ परम क्रुद्ध दसकंधर। सन्मुख चले हूह दै बंदर।।
गहि कर पादप उपल पहारा। डारेन्हि ता पर एकहिं बारा।।
लागहिं सैल बज्र तन तासू। खंड खंड होइ फूटहिं आसू।।
चला न अचल रहा रथ रोपी। रन दुर्मद रावन अति कोपी।।
इत उत झपटि दपटि कपि जोधा। मर्दै लाग भयउ अति क्रोधा।।
चले पराइ भालु कपि नाना। त्राहि त्राहि अंगद हनुमाना।।
पाहि पाहि रघुबीर गोसाई। यह खल खाइ काल की नाई।।
तेहि देखे कपि सकल पराने। दसहुँ चाप सायक संधाने।।
चौपाई
sura brahmādi siddha muni nānā. dēkhata rana nabha caḍhaē bimānā..
hamahū umā rahē tēhi saṃgā. dēkhata rāma carita rana raṃgā..
subhaṭa samara rasa duhu disi mātē. kapi jayasīla rāma bala tātē..
ēka ēka sana bhirahiṃ pacārahiṃ. ēkanha ēka mardi mahi pārahiṃ..
mārahiṃ kāṭahiṃ dharahiṃ pachārahiṃ. sīsa tōri sīsanha sana mārahiṃ..
udara bidārahiṃ bhujā upārahiṃ. gahi pada avani paṭaki bhaṭa ḍārahiṃ..
nisicara bhaṭa mahi gāḍahi bhālū. ūpara ḍhāri dēhiṃ bahu bālū..
bīra balimukha juddha biruddhē. dēkhiata bipula kāla janu kruddhē..
चौपाई
dhāyau parama kruddha dasakaṃdhara. sanmukha calē hūha dai baṃdara..
gahi kara pādapa upala pahārā. ḍārēnhi tā para ēkahiṃ bārā..
lāgahiṃ saila bajra tana tāsū. khaṃḍa khaṃḍa hōi phūṭahiṃ āsū..
calā na acala rahā ratha rōpī. rana durmada rāvana ati kōpī..
ita uta jhapaṭi dapaṭi kapi jōdhā. mardai lāga bhayau ati krōdhā..
calē parāi bhālu kapi nānā. trāhi trāhi aṃgada hanumānā..
pāhi pāhi raghubīra gōsāī. yaha khala khāi kāla kī nāī..
tēhi dēkhē kapi sakala parānē. dasahuom cāpa sāyaka saṃdhānē..
