चौपाई
रे खल का मारसि कपि भालू। मोहि बिलोकु तोर मैं कालू।।
खोजत रहेउँ तोहि सुतघाती। आजु निपाति जुड़ावउँ छाती।।
अस कहि छाड़ेसि बान प्रचंडा। लछिमन किए सकल सत खंडा।।
कोटिन्ह आयुध रावन डारे। तिल प्रवान करि काटि निवारे।।
पुनि निज बानन्ह कीन्ह प्रहारा। स्यंदनु भंजि सारथी मारा।।
सत सत सर मारे दस भाला। गिरि सृंगन्ह जनु प्रबिसहिं ब्याला।।
पुनि सत सर मारा उर माहीं। परेउ धरनि तल सुधि कछु नाहीं।।
उठा प्रबल पुनि मुरुछा जागी। छाड़िसि ब्रह्म दीन्हि जो साँगी।।
चौपाई
जानु टेकि कपि भूमि न गिरा। उठा सँभारि बहुत रिस भरा।।
मुठिका एक ताहि कपि मारा। परेउ सैल जनु बज्र प्रहारा।।
मुरुछा गै बहोरि सो जागा। कपि बल बिपुल सराहन लागा।।
धिग धिग मम पौरुष धिग मोही। जौं तैं जिअत रहेसि सुरद्रोही।।
अस कहि लछिमन कहुँ कपि ल्यायो। देखि दसानन बिसमय पायो।।
कह रघुबीर समुझु जियँ भ्राता। तुम्ह कृतांत भच्छक सुर त्राता।।
सुनत बचन उठि बैठ कृपाला। गई गगन सो सकति कराला।।
पुनि कोदंड बान गहि धाए। रिपु सन्मुख अति आतुर आए।।
चौपाई
rē khala kā mārasi kapi bhālū. mōhi bilōku tōra maiṃ kālū..
khōjata rahēuom tōhi sutaghātī. āju nipāti juḍaāvauom chātī..
asa kahi chāḍaēsi bāna pracaṃḍā. lachimana kiē sakala sata khaṃḍā..
kōṭinha āyudha rāvana ḍārē. tila pravāna kari kāṭi nivārē..
puni nija bānanha kīnha prahārā. syaṃdanu bhaṃji sārathī mārā..
sata sata sara mārē dasa bhālā. giri sṛṃganha janu prabisahiṃ byālā..
puni sata sara mārā ura māhīṃ. parēu dharani tala sudhi kachu nāhīṃ..
uṭhā prabala puni muruchā jāgī. chāḍaisi brahma dīnhi jō sāomgī..
चौपाई
jānu ṭēki kapi bhūmi na girā. uṭhā saombhāri bahuta risa bharā..
muṭhikā ēka tāhi kapi mārā. parēu saila janu bajra prahārā..
muruchā gai bahōri sō jāgā. kapi bala bipula sarāhana lāgā..
dhiga dhiga mama pauruṣa dhiga mōhī. jauṃ taiṃ jiata rahēsi suradrōhī..
asa kahi lachimana kahuom kapi lyāyō. dēkhi dasānana bisamaya pāyō..
kaha raghubīra samujhu jiyaom bhrātā. tumha kṛtāṃta bhacchaka sura trātā..
sunata bacana uṭhi baiṭha kṛpālā. gaī gagana sō sakati karālā..
puni kōdaṃḍa bāna gahi dhāē. ripu sanmukha ati ātura āē..
