चौपाई
इहाँ बिभीषन सब सुधि पाई। सपदि जाइ रघुपतिहि सुनाई।।
नाथ करइ रावन एक जागा। सिद्ध भएँ नहिं मरिहि अभागा।।
पठवहु नाथ बेगि भट बंदर। करहिं बिधंस आव दसकंधर।।
प्रात होत प्रभु सुभट पठाए। हनुमदादि अंगद सब धाए।।
कौतुक कूदि चढ़े कपि लंका। पैठे रावन भवन असंका।।
जग्य करत जबहीं सो देखा। सकल कपिन्ह भा क्रोध बिसेषा।।
रन ते निलज भाजि गृह आवा। इहाँ आइ बक ध्यान लगावा।।
अस कहि अंगद मारा लाता। चितव न सठ स्वारथ मन राता।।
चौपाई
चलत होहिं अति असुभ भयंकर। बैठहिं गीध उड़ाइ सिरन्ह पर।।
भयउ कालबस काहु न माना। कहेसि बजावहु जुद्ध निसाना।।
चली तमीचर अनी अपारा। बहु गज रथ पदाति असवारा।।
प्रभु सन्मुख धाए खल कैंसें। सलभ समूह अनल कहँ जैंसें।।
इहाँ देवतन्ह अस्तुति कीन्ही। दारुन बिपति हमहि एहिं दीन्ही।।
अब जनि राम खेलावहु एही। अतिसय दुखित होति बैदेही।।
देव बचन सुनि प्रभु मुसकाना। उठि रघुबीर सुधारे बाना।
जटा जूट दृढ़ बाँधै माथे। सोहहिं सुमन बीच बिच गाथे।।
अरुन नयन बारिद तनु स्यामा। अखिल लोक लोचनाभिरामा।।
कटितट परिकर कस्यो निषंगा। कर कोदंड कठिन सारंगा।।
चौपाई
ihāom bibhīṣana saba sudhi pāī. sapadi jāi raghupatihi sunāī..
nātha karai rāvana ēka jāgā. siddha bhaēom nahiṃ marihi abhāgā..
paṭhavahu nātha bēgi bhaṭa baṃdara. karahiṃ bidhaṃsa āva dasakaṃdhara..
prāta hōta prabhu subhaṭa paṭhāē. hanumadādi aṃgada saba dhāē..
kautuka kūdi caḍhaē kapi laṃkā. paiṭhē rāvana bhavana asaṃkā..
jagya karata jabahīṃ sō dēkhā. sakala kapinha bhā krōdha bisēṣā..
rana tē nilaja bhāji gṛha āvā. ihāom āi baka dhyāna lagāvā..
asa kahi aṃgada mārā lātā. citava na saṭha svāratha mana rātā..
चौपाई
calata hōhiṃ ati asubha bhayaṃkara. baiṭhahiṃ gīdha uḍaāi siranha para..
bhayau kālabasa kāhu na mānā. kahēsi bajāvahu juddha nisānā..
calī tamīcara anī apārā. bahu gaja ratha padāti asavārā..
prabhu sanmukha dhāē khala kaiṃsēṃ. salabha samūha anala kahaom jaiṃsēṃ..
ihāom dēvatanha astuti kīnhī. dāruna bipati hamahi ēhiṃ dīnhī..
aba jani rāma khēlāvahu ēhī. atisaya dukhita hōti baidēhī..
dēva bacana suni prabhu musakānā. uṭhi raghubīra sudhārē bānā.
jaṭā jūṭa dṛḍha bāomdhai māthē. sōhahiṃ sumana bīca bica gāthē..
aruna nayana bārida tanu syāmā. akhila lōka lōcanābhirāmā..
kaṭitaṭa parikara kasyō niṣaṃgā. kara kōdaṃḍa kaṭhina sāraṃgā..
