चौपाई
एहीं बीच निसाचर अनी। कसमसात आई अति घनी।
देखि चले सन्मुख कपि भट्टा। प्रलयकाल के जनु घन घट्टा।।
बहु कृपान तरवारि चमंकहिं। जनु दहँ दिसि दामिनीं दमंकहिं।।
गज रथ तुरग चिकार कठोरा। गर्जहिं मनहुँ बलाहक घोरा।।
कपि लंगूर बिपुल नभ छाए। मनहुँ इंद्रधनु उए सुहाए।।
उठइ धूरि मानहुँ जलधारा। बान बुंद भै बृष्टि अपारा।।
दुहुँ दिसि पर्बत करहिं प्रहारा। बज्रपात जनु बारहिं बारा।।
रघुपति कोपि बान झरि लाई। घायल भै निसिचर समुदाई।।
लागत बान बीर चिक्करहीं। घुर्मि घुर्मि जहँ तहँ महि परहीं।।
स्त्रवहिं सैल जनु निर्झर भारी। सोनित सरि कादर भयकारी।।
चौपाई
मज्जहि भूत पिसाच बेताला। प्रमथ महा झोटिंग कराला।।
काक कंक लै भुजा उड़ाहीं। एक ते छीनि एक लै खाहीं।।
एक कहहिं ऐसिउ सौंघाई। सठहु तुम्हार दरिद्र न जाई।।
कहँरत भट घायल तट गिरे। जहँ तहँ मनहुँ अर्धजल परे।।
खैंचहिं गीध आँत तट भए। जनु बंसी खेलत चित दए।।
बहु भट बहहिं चढ़े खग जाहीं। जनु नावरि खेलहिं सरि माहीं।।
जोगिनि भरि भरि खप्पर संचहिं। भूत पिसाच बधू नभ नंचहिं।।
भट कपाल करताल बजावहिं। चामुंडा नाना बिधि गावहिं।।
जंबुक निकर कटक्कट कट्टहिं। खाहिं हुआहिं अघाहिं दपट्टहिं।।
कोटिन्ह रुंड मुंड बिनु डोल्लहिं। सीस परे महि जय जय बोल्लहिं।।
चौपाई
ēhīṃ bīca nisācara anī. kasamasāta āī ati ghanī.
dēkhi calē sanmukha kapi bhaṭṭā. pralayakāla kē janu ghana ghaṭṭā..
bahu kṛpāna taravāri camaṃkahiṃ. janu dahaom disi dāminīṃ damaṃkahiṃ..
gaja ratha turaga cikāra kaṭhōrā. garjahiṃ manahuom balāhaka ghōrā..
kapi laṃgūra bipula nabha chāē. manahuom iṃdradhanu uē suhāē..
uṭhai dhūri mānahuom jaladhārā. bāna buṃda bhai bṛṣṭi apārā..
duhuom disi parbata karahiṃ prahārā. bajrapāta janu bārahiṃ bārā..
raghupati kōpi bāna jhari lāī. ghāyala bhai nisicara samudāī..
lāgata bāna bīra cikkarahīṃ. ghurmi ghurmi jahaom tahaom mahi parahīṃ..
stravahiṃ saila janu nirjhara bhārī. sōnita sari kādara bhayakārī..
चौपाई
majjahi bhūta pisāca bētālā. pramatha mahā jhōṭiṃga karālā..
kāka kaṃka lai bhujā uḍaāhīṃ. ēka tē chīni ēka lai khāhīṃ..
ēka kahahiṃ aisiu sauṃghāī. saṭhahu tumhāra daridra na jāī..
kahaomrata bhaṭa ghāyala taṭa girē. jahaom tahaom manahuom ardhajala parē..
khaiṃcahiṃ gīdha āomta taṭa bhaē. janu baṃsī khēlata cita daē..
bahu bhaṭa bahahiṃ caḍhaē khaga jāhīṃ. janu nāvari khēlahiṃ sari māhīṃ..
jōgini bhari bhari khappara saṃcahiṃ. bhūta pisāca badhū nabha naṃcahiṃ..
bhaṭa kapāla karatāla bajāvahiṃ. cāmuṃḍā nānā bidhi gāvahiṃ..
jaṃbuka nikara kaṭakkaṭa kaṭṭahiṃ. khāhiṃ huāhiṃ aghāhiṃ dapaṭṭahiṃ..
kōṭinha ruṃḍa muṃḍa binu ḍōllahiṃ. sīsa parē mahi jaya jaya bōllahiṃ..
