चौपाई
निसिचरि एक सिंधु महुँ रहई। करि माया नभु के खग गहई।।
जीव जंतु जे गगन उड़ाहीं। जल बिलोकि तिन्ह कै परिछाहीं।।
गहइ छाहँ सक सो न उड़ाई। एहि बिधि सदा गगनचर खाई।।
सोइ छल हनूमान कहँ कीन्हा। तासु कपटु कपि तुरतहिं चीन्हा।।
ताहि मारि मारुतसुत बीरा। बारिधि पार गयउ मतिधीरा।।
तहाँ जाइ देखी बन सोभा। गुंजत चंचरीक मधु लोभा।।
नाना तरु फल फूल सुहाए। खग मृग बृंद देखि मन भाए।।
सैल बिसाल देखि एक आगें। ता पर धाइ चढेउ भय त्यागें।।
उमा न कछु कपि कै अधिकाई। प्रभु प्रताप जो कालहि खाई।।
गिरि पर चढि लंका तेहिं देखी। कहि न जाइ अति दुर्ग बिसेषी।।
अति उतंग जलनिधि चहु पासा। कनक कोट कर परम प्रकासा।।
छंद
कनक कोट बिचित्र मनि कृत सुंदरायतना घना।
चउहट्ट हट्ट सुबट्ट बीथीं चारु पुर बहु बिधि बना।।
गज बाजि खच्चर निकर पदचर रथ बरूथिन्ह को गनै।।
बहुरूप निसिचर जूथ अतिबल सेन बरनत नहिं बनै।।
बन बाग उपबन बाटिका सर कूप बापीं सोहहीं।
नर नाग सुर गंधर्ब कन्या रूप मुनि मन मोहहीं।।
कहुँ माल देह बिसाल सैल समान अतिबल गर्जहीं।
नाना अखारेन्ह भिरहिं बहु बिधि एक एकन्ह तर्जहीं।।
करि जतन भट कोटिन्ह बिकट तन नगर चहुँ दिसि रच्छहीं।
कहुँ महिष मानषु धेनु खर अज खल निसाचर भच्छहीं।।
एहि लागि तुलसीदास इन्ह की कथा कछु एक है कही।
रघुबीर सर तीरथ सरीरन्हि त्यागि गति पैहहिं सही।।
दोहा/सोरठा
पुर रखवारे देखि बहु कपि मन कीन्ह बिचार।
अति लघु रूप धरौं निसि नगर करौं पइसार।।3।।
चौपाई
मसक समान रूप कपि धरी। लंकहि चलेउ सुमिरि नरहरी।।
नाम लंकिनी एक निसिचरी। सो कह चलेसि मोहि निंदरी।।
जानेहि नहीं मरमु सठ मोरा। मोर अहार जहाँ लगि चोरा।।
मुठिका एक महा कपि हनी। रुधिर बमत धरनीं ढनमनी।।
पुनि संभारि उठि सो लंका। जोरि पानि कर बिनय संसका।।
जब रावनहि ब्रह्म बर दीन्हा। चलत बिरंचि कहा मोहि चीन्हा।।
बिकल होसि तैं कपि कें मारे। तब जानेसु निसिचर संघारे।।
तात मोर अति पुन्य बहूता। देखेउँ नयन राम कर दूता।।
दोहा/सोरठा
तात स्वर्ग अपबर्ग सुख धरिअ तुला एक अंग।
तूल न ताहि सकल मिलि जो सुख लव सतसंग।।4।।
चौपाई
nisicari ēka siṃdhu mahuom rahaī. kari māyā nabhu kē khaga gahaī..
jīva jaṃtu jē gagana uḍaāhīṃ. jala bilōki tinha kai parichāhīṃ..
gahai chāhaom saka sō na uḍaāī. ēhi bidhi sadā gaganacara khāī..
sōi chala hanūmāna kahaom kīnhā. tāsu kapaṭu kapi turatahiṃ cīnhā..
tāhi māri mārutasuta bīrā. bāridhi pāra gayau matidhīrā..
tahāom jāi dēkhī bana sōbhā. guṃjata caṃcarīka madhu lōbhā..
nānā taru phala phūla suhāē. khaga mṛga bṛṃda dēkhi mana bhāē..
saila bisāla dēkhi ēka āgēṃ. tā para dhāi caḍhēu bhaya tyāgēṃ..
umā na kachu kapi kai adhikāī. prabhu pratāpa jō kālahi khāī..
giri para caḍhi laṃkā tēhiṃ dēkhī. kahi na jāi ati durga bisēṣī..
ati utaṃga jalanidhi cahu pāsā. kanaka kōṭa kara parama prakāsā..
छंद
kanaka kōṭa bicitra mani kṛta suṃdarāyatanā ghanā.
cauhaṭṭa haṭṭa subaṭṭa bīthīṃ cāru pura bahu bidhi banā..
gaja bāji khaccara nikara padacara ratha barūthinha kō ganai..
bahurūpa nisicara jūtha atibala sēna baranata nahiṃ banai..
bana bāga upabana bāṭikā sara kūpa bāpīṃ sōhahīṃ.
nara nāga sura gaṃdharba kanyā rūpa muni mana mōhahīṃ..
kahuom māla dēha bisāla saila samāna atibala garjahīṃ.
nānā akhārēnha bhirahiṃ bahu bidhi ēka ēkanha tarjahīṃ..
kari jatana bhaṭa kōṭinha bikaṭa tana nagara cahuom disi racchahīṃ.
kahuom mahiṣa mānaṣu dhēnu khara aja khala nisācara bhacchahīṃ..
ēhi lāgi tulasīdāsa inha kī kathā kachu ēka hai kahī.
raghubīra sara tīratha sarīranhi tyāgi gati paihahiṃ sahī..
दोहा/सोरठा
pura rakhavārē dēkhi bahu kapi mana kīnha bicāra.
ati laghu rūpa dharauṃ nisi nagara karauṃ paisāra..3..
चौपाई
masaka samāna rūpa kapi dharī. laṃkahi calēu sumiri naraharī..
nāma laṃkinī ēka nisicarī. sō kaha calēsi mōhi niṃdarī..
jānēhi nahīṃ maramu saṭha mōrā. mōra ahāra jahāom lagi cōrā..
muṭhikā ēka mahā kapi hanī. rudhira bamata dharanīṃ ḍhanamanī..
puni saṃbhāri uṭhi sō laṃkā. jōri pāni kara binaya saṃsakā..
jaba rāvanahi brahma bara dīnhā. calata biraṃci kahā mōhi cīnhā..
bikala hōsi taiṃ kapi kēṃ mārē. taba jānēsu nisicara saṃghārē..
tāta mōra ati punya bahūtā. dēkhēuom nayana rāma kara dūtā..
