चौपाई
प्रबिसि नगर कीजे सब काजा। हृदयँ राखि कौसलपुर राजा।।
गरल सुधा रिपु करहिं मिताई। गोपद सिंधु अनल सितलाई।।
गरुड़ सुमेरु रेनू सम ताही। राम कृपा करि चितवा जाही।।
अति लघु रूप धरेउ हनुमाना। पैठा नगर सुमिरि भगवाना।।
मंदिर मंदिर प्रति करि सोधा। देखे जहँ तहँ अगनित जोधा।।
गयउ दसानन मंदिर माहीं। अति बिचित्र कहि जात सो नाहीं।।
सयन किए देखा कपि तेही। मंदिर महुँ न दीखि बैदेही।।
भवन एक पुनि दीख सुहावा। हरि मंदिर तहँ भिन्न बनावा।।
दोहा/सोरठा
रामायुध अंकित गृह सोभा बरनि न जाइ।
नव तुलसिका बृंद तहँ देखि हरषि कपिराइ।।5।।
चौपाई
लंका निसिचर निकर निवासा। इहाँ कहाँ सज्जन कर बासा।।
मन महुँ तरक करै कपि लागा। तेहीं समय बिभीषनु जागा।।
राम राम तेहिं सुमिरन कीन्हा। हृदयँ हरष कपि सज्जन चीन्हा।।
एहि सन हठि करिहउँ पहिचानी। साधु ते होइ न कारज हानी।।
बिप्र रुप धरि बचन सुनाए। सुनत बिभीषण उठि तहँ आए।।
करि प्रनाम पूँछी कुसलाई। बिप्र कहहु निज कथा बुझाई।।
की तुम्ह हरि दासन्ह महँ कोई। मोरें हृदय प्रीति अति होई।।
की तुम्ह रामु दीन अनुरागी। आयहु मोहि करन बड़भागी।।
दोहा/सोरठा
तब हनुमंत कही सब राम कथा निज नाम।
सुनत जुगल तन पुलक मन मगन सुमिरि गुन ग्राम।।6।।
चौपाई
prabisi nagara kījē saba kājā. hṛdayaom rākhi kausalapura rājā..
garala sudhā ripu karahiṃ mitāī. gōpada siṃdhu anala sitalāī..
garuḍa sumēru rēnū sama tāhī. rāma kṛpā kari citavā jāhī..
ati laghu rūpa dharēu hanumānā. paiṭhā nagara sumiri bhagavānā..
maṃdira maṃdira prati kari sōdhā. dēkhē jahaom tahaom aganita jōdhā..
gayau dasānana maṃdira māhīṃ. ati bicitra kahi jāta sō nāhīṃ..
sayana kiē dēkhā kapi tēhī. maṃdira mahuom na dīkhi baidēhī..
bhavana ēka puni dīkha suhāvā. hari maṃdira tahaom bhinna banāvā..
चौपाई
laṃkā nisicara nikara nivāsā. ihāom kahāom sajjana kara bāsā..
mana mahuom taraka karai kapi lāgā. tēhīṃ samaya bibhīṣanu jāgā..
rāma rāma tēhiṃ sumirana kīnhā. hṛdayaom haraṣa kapi sajjana cīnhā..
ēhi sana haṭhi karihauom pahicānī. sādhu tē hōi na kāraja hānī..
bipra rupa dhari bacana sunāē. sunata bibhīṣaṇa uṭhi tahaom āē..
kari pranāma pūomchī kusalāī. bipra kahahu nija kathā bujhāī..
kī tumha hari dāsanha mahaom kōī. mōrēṃ hṛdaya prīti ati hōī..
kī tumha rāmu dīna anurāgī. āyahu mōhi karana baḍabhāgī..
