चौपाई
सादर तेहि आगें करि बानर। चले जहाँ रघुपति करुनाकर।।
दूरिहि ते देखे द्वौ भ्राता। नयनानंद दान के दाता।।
बहुरि राम छबिधाम बिलोकी। रहेउ ठटुकि एकटक पल रोकी।।
भुज प्रलंब कंजारुन लोचन। स्यामल गात प्रनत भय मोचन।।
सिंघ कंध आयत उर सोहा। आनन अमित मदन मन मोहा।।
नयन नीर पुलकित अति गाता। मन धरि धीर कही मृदु बाता।।
नाथ दसानन कर मैं भ्राता। निसिचर बंस जनम सुरत्राता।।
सहज पापप्रिय तामस देहा। जथा उलूकहि तम पर नेहा।।
दोहा/सोरठा
श्रवन सुजसु सुनि आयउँ प्रभु भंजन भव भीर।
त्राहि त्राहि आरति हरन सरन सुखद रघुबीर।।45।।
चौपाई
अस कहि करत दंडवत देखा। तुरत उठे प्रभु हरष बिसेषा।।
दीन बचन सुनि प्रभु मन भावा। भुज बिसाल गहि हृदयँ लगावा।।
अनुज सहित मिलि ढिग बैठारी। बोले बचन भगत भयहारी।।
कहु लंकेस सहित परिवारा। कुसल कुठाहर बास तुम्हारा।।
खल मंडलीं बसहु दिनु राती। सखा धरम निबहइ केहि भाँती।।
मैं जानउँ तुम्हारि सब रीती। अति नय निपुन न भाव अनीती।।
बरु भल बास नरक कर ताता। दुष्ट संग जनि देइ बिधाता।।
अब पद देखि कुसल रघुराया। जौं तुम्ह कीन्ह जानि जन दाया।।
दोहा/सोरठा
तब लगि कुसल न जीव कहुँ सपनेहुँ मन बिश्राम।
जब लगि भजत न राम कहुँ सोक धाम तजि काम।।46।।
चौपाई
sādara tēhi āgēṃ kari bānara. calē jahāom raghupati karunākara..
dūrihi tē dēkhē dvau bhrātā. nayanānaṃda dāna kē dātā..
bahuri rāma chabidhāma bilōkī. rahēu ṭhaṭuki ēkaṭaka pala rōkī..
bhuja pralaṃba kaṃjāruna lōcana. syāmala gāta pranata bhaya mōcana..
siṃgha kaṃdha āyata ura sōhā. ānana amita madana mana mōhā..
nayana nīra pulakita ati gātā. mana dhari dhīra kahī mṛdu bātā..
nātha dasānana kara maiṃ bhrātā. nisicara baṃsa janama suratrātā..
sahaja pāpapriya tāmasa dēhā. jathā ulūkahi tama para nēhā..
चौपाई
asa kahi karata daṃḍavata dēkhā. turata uṭhē prabhu haraṣa bisēṣā..
dīna bacana suni prabhu mana bhāvā. bhuja bisāla gahi hṛdayaom lagāvā..
anuja sahita mili ḍhiga baiṭhārī. bōlē bacana bhagata bhayahārī..
kahu laṃkēsa sahita parivārā. kusala kuṭhāhara bāsa tumhārā..
khala maṃḍalīṃ basahu dinu rātī. sakhā dharama nibahai kēhi bhāomtī..
maiṃ jānauom tumhāri saba rītī. ati naya nipuna na bhāva anītī..
baru bhala bāsa naraka kara tātā. duṣṭa saṃga jani dēi bidhātā..
aba pada dēkhi kusala raghurāyā. jauṃ tumha kīnha jāni jana dāyā..
