चौपाई
तब लगि हृदयँ बसत खल नाना। लोभ मोह मच्छर मद माना।।
जब लगि उर न बसत रघुनाथा। धरें चाप सायक कटि भाथा।।
ममता तरुन तमी अँधिआरी। राग द्वेष उलूक सुखकारी।।
तब लगि बसति जीव मन माहीं। जब लगि प्रभु प्रताप रबि नाहीं।।
अब मैं कुसल मिटे भय भारे। देखि राम पद कमल तुम्हारे।।
तुम्ह कृपाल जा पर अनुकूला। ताहि न ब्याप त्रिबिध भव सूला।।
मैं निसिचर अति अधम सुभाऊ। सुभ आचरनु कीन्ह नहिं काऊ।।
जासु रूप मुनि ध्यान न आवा। तेहिं प्रभु हरषि हृदयँ मोहि लावा।।
दोहा/सोरठा
-अहोभाग्य मम अमित अति राम कृपा सुख पुंज।
देखेउँ नयन बिरंचि सिब सेब्य जुगल पद कंज।।47।।
चौपाई
सुनहु सखा निज कहउँ सुभाऊ। जान भुसुंडि संभु गिरिजाऊ।।
जौं नर होइ चराचर द्रोही। आवे सभय सरन तकि मोही।।
तजि मद मोह कपट छल नाना। करउँ सद्य तेहि साधु समाना।।
जननी जनक बंधु सुत दारा। तनु धनु भवन सुह्रद परिवारा।।
सब कै ममता ताग बटोरी। मम पद मनहि बाँध बरि डोरी।।
समदरसी इच्छा कछु नाहीं। हरष सोक भय नहिं मन माहीं।।
अस सज्जन मम उर बस कैसें। लोभी हृदयँ बसइ धनु जैसें।।
तुम्ह सारिखे संत प्रिय मोरें। धरउँ देह नहिं आन निहोरें।।
दोहा/सोरठा
सगुन उपासक परहित निरत नीति दृढ़ नेम।
ते नर प्रान समान मम जिन्ह कें द्विज पद प्रेम।।48।।
चौपाई
taba lagi hṛdayaom basata khala nānā. lōbha mōha macchara mada mānā..
jaba lagi ura na basata raghunāthā. dharēṃ cāpa sāyaka kaṭi bhāthā..
mamatā taruna tamī aomdhiārī. rāga dvēṣa ulūka sukhakārī..
taba lagi basati jīva mana māhīṃ. jaba lagi prabhu pratāpa rabi nāhīṃ..
aba maiṃ kusala miṭē bhaya bhārē. dēkhi rāma pada kamala tumhārē..
tumha kṛpāla jā para anukūlā. tāhi na byāpa tribidha bhava sūlā..
maiṃ nisicara ati adhama subhāū. subha ācaranu kīnha nahiṃ kāū..
jāsu rūpa muni dhyāna na āvā. tēhiṃ prabhu haraṣi hṛdayaom mōhi lāvā..
चौपाई
sunahu sakhā nija kahauom subhāū. jāna bhusuṃḍi saṃbhu girijāū..
jauṃ nara hōi carācara drōhī. āvē sabhaya sarana taki mōhī..
taji mada mōha kapaṭa chala nānā. karauom sadya tēhi sādhu samānā..
jananī janaka baṃdhu suta dārā. tanu dhanu bhavana suhrada parivārā..
saba kai mamatā tāga baṭōrī. mama pada manahi bāomdha bari ḍōrī..
samadarasī icchā kachu nāhīṃ. haraṣa sōka bhaya nahiṃ mana māhīṃ..
asa sajjana mama ura basa kaisēṃ. lōbhī hṛdayaom basai dhanu jaisēṃ..
tumha sārikhē saṃta priya mōrēṃ. dharauom dēha nahiṃ āna nihōrēṃ..
