चौपाई
सुनु लंकेस सकल गुन तोरें। तातें तुम्ह अतिसय प्रिय मोरें।।
राम बचन सुनि बानर जूथा। सकल कहहिं जय कृपा बरूथा।।
सुनत बिभीषनु प्रभु कै बानी। नहिं अघात श्रवनामृत जानी।।
पद अंबुज गहि बारहिं बारा। हृदयँ समात न प्रेमु अपारा।।
सुनहु देव सचराचर स्वामी। प्रनतपाल उर अंतरजामी।।
उर कछु प्रथम बासना रही। प्रभु पद प्रीति सरित सो बही।।
अब कृपाल निज भगति पावनी। देहु सदा सिव मन भावनी।।
एवमस्तु कहि प्रभु रनधीरा। मागा तुरत सिंधु कर नीरा।।
जदपि सखा तव इच्छा नाहीं। मोर दरसु अमोघ जग माहीं।।
अस कहि राम तिलक तेहि सारा। सुमन बृष्टि नभ भई अपारा।।
दोहा/सोरठा
रावन क्रोध अनल निज स्वास समीर प्रचंड।
जरत बिभीषनु राखेउ दीन्हेहु राजु अखंड।।49(क)।।
जो संपति सिव रावनहि दीन्हि दिएँ दस माथ।
सोइ संपदा बिभीषनहि सकुचि दीन्ह रघुनाथ।।49(ख)।।
चौपाई
अस प्रभु छाड़ि भजहिं जे आना। ते नर पसु बिनु पूँछ बिषाना।।
निज जन जानि ताहि अपनावा। प्रभु सुभाव कपि कुल मन भावा।।
पुनि सर्बग्य सर्ब उर बासी। सर्बरूप सब रहित उदासी।।
बोले बचन नीति प्रतिपालक। कारन मनुज दनुज कुल घालक।।
सुनु कपीस लंकापति बीरा। केहि बिधि तरिअ जलधि गंभीरा।।
संकुल मकर उरग झष जाती। अति अगाध दुस्तर सब भाँती।।
कह लंकेस सुनहु रघुनायक। कोटि सिंधु सोषक तव सायक।।
जद्यपि तदपि नीति असि गाई। बिनय करिअ सागर सन जाई।।
दोहा/सोरठा
प्रभु तुम्हार कुलगुर जलधि कहिहि उपाय बिचारि।
बिनु प्रयास सागर तरिहि सकल भालु कपि धारि।।50।।
चौपाई
sunu laṃkēsa sakala guna tōrēṃ. tātēṃ tumha atisaya priya mōrēṃ..
rāma bacana suni bānara jūthā. sakala kahahiṃ jaya kṛpā barūthā..
sunata bibhīṣanu prabhu kai bānī. nahiṃ aghāta śravanāmṛta jānī..
pada aṃbuja gahi bārahiṃ bārā. hṛdayaom samāta na prēmu apārā..
sunahu dēva sacarācara svāmī. pranatapāla ura aṃtarajāmī..
ura kachu prathama bāsanā rahī. prabhu pada prīti sarita sō bahī..
aba kṛpāla nija bhagati pāvanī. dēhu sadā siva mana bhāvanī..
ēvamastu kahi prabhu ranadhīrā. māgā turata siṃdhu kara nīrā..
jadapi sakhā tava icchā nāhīṃ. mōra darasu amōgha jaga māhīṃ..
asa kahi rāma tilaka tēhi sārā. sumana bṛṣṭi nabha bhaī apārā..
चौपाई
asa prabhu chāḍai bhajahiṃ jē ānā. tē nara pasu binu pūomcha biṣānā..
nija jana jāni tāhi apanāvā. prabhu subhāva kapi kula mana bhāvā..
puni sarbagya sarba ura bāsī. sarbarūpa saba rahita udāsī..
bōlē bacana nīti pratipālaka. kārana manuja danuja kula ghālaka..
sunu kapīsa laṃkāpati bīrā. kēhi bidhi taria jaladhi gaṃbhīrā..
saṃkula makara uraga jhaṣa jātī. ati agādha dustara saba bhāomtī..
kaha laṃkēsa sunahu raghunāyaka. kōṭi siṃdhu sōṣaka tava sāyaka..
jadyapi tadapi nīti asi gāī. binaya karia sāgara sana jāī..
