चौपाई
सुनहु पवनसुत रहनि हमारी। जिमि दसनन्हि महुँ जीभ बिचारी।।
तात कबहुँ मोहि जानि अनाथा। करिहहिं कृपा भानुकुल नाथा।।
तामस तनु कछु साधन नाहीं। प्रीति न पद सरोज मन माहीं।।
अब मोहि भा भरोस हनुमंता। बिनु हरिकृपा मिलहिं नहिं संता।।
जौ रघुबीर अनुग्रह कीन्हा। तौ तुम्ह मोहि दरसु हठि दीन्हा।।
सुनहु बिभीषन प्रभु कै रीती। करहिं सदा सेवक पर प्रीती।।
कहहु कवन मैं परम कुलीना। कपि चंचल सबहीं बिधि हीना।।
प्रात लेइ जो नाम हमारा। तेहि दिन ताहि न मिलै अहारा।।
दोहा/सोरठा
अस मैं अधम सखा सुनु मोहू पर रघुबीर।
कीन्ही कृपा सुमिरि गुन भरे बिलोचन नीर।।7।।
चौपाई
जानतहूँ अस स्वामि बिसारी। फिरहिं ते काहे न होहिं दुखारी।।
एहि बिधि कहत राम गुन ग्रामा। पावा अनिर्बाच्य बिश्रामा।।
पुनि सब कथा बिभीषन कही। जेहि बिधि जनकसुता तहँ रही।।
तब हनुमंत कहा सुनु भ्राता। देखी चहउँ जानकी माता।।
जुगुति बिभीषन सकल सुनाई। चलेउ पवनसुत बिदा कराई।।
करि सोइ रूप गयउ पुनि तहवाँ। बन असोक सीता रह जहवाँ।।
देखि मनहि महुँ कीन्ह प्रनामा। बैठेहिं बीति जात निसि जामा।।
कृस तन सीस जटा एक बेनी। जपति हृदयँ रघुपति गुन श्रेनी।।
दोहा/सोरठा
निज पद नयन दिएँ मन राम पद कमल लीन।
परम दुखी भा पवनसुत देखि जानकी दीन।।8।।
चौपाई
sunahu pavanasuta rahani hamārī. jimi dasananhi mahuom jībha bicārī..
tāta kabahuom mōhi jāni anāthā. karihahiṃ kṛpā bhānukula nāthā..
tāmasa tanu kachu sādhana nāhīṃ. prīti na pada sarōja mana māhīṃ..
aba mōhi bhā bharōsa hanumaṃtā. binu harikṛpā milahiṃ nahiṃ saṃtā..
jau raghubīra anugraha kīnhā. tau tumha mōhi darasu haṭhi dīnhā..
sunahu bibhīṣana prabhu kai rītī. karahiṃ sadā sēvaka para prītī..
kahahu kavana maiṃ parama kulīnā. kapi caṃcala sabahīṃ bidhi hīnā..
prāta lēi jō nāma hamārā. tēhi dina tāhi na milai ahārā..
चौपाई
jānatahūom asa svāmi bisārī. phirahiṃ tē kāhē na hōhiṃ dukhārī..
ēhi bidhi kahata rāma guna grāmā. pāvā anirbācya biśrāmā..
puni saba kathā bibhīṣana kahī. jēhi bidhi janakasutā tahaom rahī..
taba hanumaṃta kahā sunu bhrātā. dēkhī cahauom jānakī mātā..
juguti bibhīṣana sakala sunāī. calēu pavanasuta bidā karāī..
kari sōi rūpa gayau puni tahavāom. bana asōka sītā raha jahavāom..
dēkhi manahi mahuom kīnha pranāmā. baiṭhēhiṃ bīti jāta nisi jāmā..
kṛsa tana sīsa jaṭā ēka bēnī. japati hṛdayaom raghupati guna śrēnī..
