चौपाई
तरु पल्लव महुँ रहा लुकाई। करइ बिचार करौं का भाई।।
तेहि अवसर रावनु तहँ आवा। संग नारि बहु किएँ बनावा।।
बहु बिधि खल सीतहि समुझावा। साम दान भय भेद देखावा।।
कह रावनु सुनु सुमुखि सयानी। मंदोदरी आदि सब रानी।।
तव अनुचरीं करउँ पन मोरा। एक बार बिलोकु मम ओरा।।
तृन धरि ओट कहति बैदेही। सुमिरि अवधपति परम सनेही।।
सुनु दसमुख खद्योत प्रकासा। कबहुँ कि नलिनी करइ बिकासा।।
अस मन समुझु कहति जानकी। खल सुधि नहिं रघुबीर बान की।।
सठ सूने हरि आनेहि मोहि। अधम निलज्ज लाज नहिं तोही।।
दोहा/सोरठा
आपुहि सुनि खद्योत सम रामहि भानु समान।
परुष बचन सुनि काढ़ि असि बोला अति खिसिआन।।9।।
चौपाई
सीता तैं मम कृत अपमाना। कटिहउँ तव सिर कठिन कृपाना।।
नाहिं त सपदि मानु मम बानी। सुमुखि होति न त जीवन हानी।।
स्याम सरोज दाम सम सुंदर। प्रभु भुज करि कर सम दसकंधर।।
सो भुज कंठ कि तव असि घोरा। सुनु सठ अस प्रवान पन मोरा।।
चंद्रहास हरु मम परितापं। रघुपति बिरह अनल संजातं।।
सीतल निसित बहसि बर धारा। कह सीता हरु मम दुख भारा।।
सुनत बचन पुनि मारन धावा। मयतनयाँ कहि नीति बुझावा।।
कहेसि सकल निसिचरिन्ह बोलाई। सीतहि बहु बिधि त्रासहु जाई।।
मास दिवस महुँ कहा न माना। तौ मैं मारबि काढ़ि कृपाना।।
दोहा/सोरठा
भवन गयउ दसकंधर इहाँ पिसाचिनि बृंद।
सीतहि त्रास देखावहि धरहिं रूप बहु मंद।।10।।
चौपाई
taru pallava mahuom rahā lukāī. karai bicāra karauṃ kā bhāī..
tēhi avasara rāvanu tahaom āvā. saṃga nāri bahu kiēom banāvā..
bahu bidhi khala sītahi samujhāvā. sāma dāna bhaya bhēda dēkhāvā..
kaha rāvanu sunu sumukhi sayānī. maṃdōdarī ādi saba rānī..
tava anucarīṃ karauom pana mōrā. ēka bāra bilōku mama ōrā..
tṛna dhari ōṭa kahati baidēhī. sumiri avadhapati parama sanēhī..
sunu dasamukha khadyōta prakāsā. kabahuom ki nalinī karai bikāsā..
asa mana samujhu kahati jānakī. khala sudhi nahiṃ raghubīra bāna kī..
saṭha sūnē hari ānēhi mōhi. adhama nilajja lāja nahiṃ tōhī..
चौपाई
sītā taiṃ mama kṛta apamānā. kaṭihauom tava sira kaṭhina kṛpānā..
nāhiṃ ta sapadi mānu mama bānī. sumukhi hōti na ta jīvana hānī..
syāma sarōja dāma sama suṃdara. prabhu bhuja kari kara sama dasakaṃdhara..
sō bhuja kaṃṭha ki tava asi ghōrā. sunu saṭha asa pravāna pana mōrā..
caṃdrahāsa haru mama paritāpaṃ. raghupati biraha anala saṃjātaṃ..
sītala nisita bahasi bara dhārā. kaha sītā haru mama dukha bhārā..
sunata bacana puni mārana dhāvā. mayatanayāom kahi nīti bujhāvā..
kahēsi sakala nisicarinha bōlāī. sītahi bahu bidhi trāsahu jāī..
māsa divasa mahuom kahā na mānā. tau maiṃ mārabi kāḍhai kṛpānā..
