चौपाई
त्रिजटा नाम राच्छसी एका। राम चरन रति निपुन बिबेका।।
सबन्हौ बोलि सुनाएसि सपना। सीतहि सेइ करहु हित अपना।।
सपनें बानर लंका जारी। जातुधान सेना सब मारी।।
खर आरूढ़ नगन दससीसा। मुंडित सिर खंडित भुज बीसा।।
एहि बिधि सो दच्छिन दिसि जाई। लंका मनहुँ बिभीषन पाई।।
नगर फिरी रघुबीर दोहाई। तब प्रभु सीता बोलि पठाई।।
यह सपना में कहउँ पुकारी। होइहि सत्य गएँ दिन चारी।।
तासु बचन सुनि ते सब डरीं। जनकसुता के चरनन्हि परीं।।
दोहा/सोरठा
जहँ तहँ गईं सकल तब सीता कर मन सोच।
मास दिवस बीतें मोहि मारिहि निसिचर पोच।।11।।
चौपाई
त्रिजटा सन बोली कर जोरी। मातु बिपति संगिनि तैं मोरी।।
तजौं देह करु बेगि उपाई। दुसहु बिरहु अब नहिं सहि जाई।।
आनि काठ रचु चिता बनाई। मातु अनल पुनि देहि लगाई।।
सत्य करहि मम प्रीति सयानी। सुनै को श्रवन सूल सम बानी।।
सुनत बचन पद गहि समुझाएसि। प्रभु प्रताप बल सुजसु सुनाएसि।।
निसि न अनल मिल सुनु सुकुमारी। अस कहि सो निज भवन सिधारी।।
कह सीता बिधि भा प्रतिकूला। मिलहि न पावक मिटिहि न सूला।।
देखिअत प्रगट गगन अंगारा। अवनि न आवत एकउ तारा।।
पावकमय ससि स्त्रवत न आगी। मानहुँ मोहि जानि हतभागी।।
सुनहि बिनय मम बिटप असोका। सत्य नाम करु हरु मम सोका।।
नूतन किसलय अनल समाना। देहि अगिनि जनि करहि निदाना।।
देखि परम बिरहाकुल सीता। सो छन कपिहि कलप सम बीता।।
दोहा/सोरठा
कपि करि हृदयँ बिचार दीन्हि मुद्रिका डारी तब।
जनु असोक अंगार दीन्हि हरषि उठि कर गहेउ।।12।।
चौपाई
trijaṭā nāma rācchasī ēkā. rāma carana rati nipuna bibēkā..
sabanhau bōli sunāēsi sapanā. sītahi sēi karahu hita apanā..
sapanēṃ bānara laṃkā jārī. jātudhāna sēnā saba mārī..
khara ārūḍha nagana dasasīsā. muṃḍita sira khaṃḍita bhuja bīsā..
ēhi bidhi sō dacchina disi jāī. laṃkā manahuom bibhīṣana pāī..
nagara phirī raghubīra dōhāī. taba prabhu sītā bōli paṭhāī..
yaha sapanā mēṃ kahauom pukārī. hōihi satya gaēom dina cārī..
tāsu bacana suni tē saba ḍarīṃ. janakasutā kē carananhi parīṃ..
चौपाई
trijaṭā sana bōlī kara jōrī. mātu bipati saṃgini taiṃ mōrī..
tajauṃ dēha karu bēgi upāī. dusahu birahu aba nahiṃ sahi jāī..
āni kāṭha racu citā banāī. mātu anala puni dēhi lagāī..
satya karahi mama prīti sayānī. sunai kō śravana sūla sama bānī..
sunata bacana pada gahi samujhāēsi. prabhu pratāpa bala sujasu sunāēsi..
nisi na anala mila sunu sukumārī. asa kahi sō nija bhavana sidhārī..
kaha sītā bidhi bhā pratikūlā. milahi na pāvaka miṭihi na sūlā..
dēkhiata pragaṭa gagana aṃgārā. avani na āvata ēkau tārā..
pāvakamaya sasi stravata na āgī. mānahuom mōhi jāni hatabhāgī..
sunahi binaya mama biṭapa asōkā. satya nāma karu haru mama sōkā..
nūtana kisalaya anala samānā. dēhi agini jani karahi nidānā..
dēkhi parama birahākula sītā. sō chana kapihi kalapa sama bītā..
