चौपाई
जब ते राम प्रताप खगेसा। उदित भयउ अति प्रबल दिनेसा।।
पूरि प्रकास रहेउ तिहुँ लोका। बहुतेन्ह सुख बहुतन मन सोका।।
जिन्हहि सोक ते कहउँ बखानी। प्रथम अबिद्या निसा नसानी।।
अघ उलूक जहँ तहाँ लुकाने। काम क्रोध कैरव सकुचाने।।
बिबिध कर्म गुन काल सुभाऊ। ए चकोर सुख लहहिं न काऊ।।
मत्सर मान मोह मद चोरा। इन्ह कर हुनर न कवनिहुँ ओरा।।
धरम तड़ाग ग्यान बिग्याना। ए पंकज बिकसे बिधि नाना।।
सुख संतोष बिराग बिबेका। बिगत सोक ए कोक अनेका।।
चौपाई
भ्रातन्ह सहित रामु एक बारा। संग परम प्रिय पवनकुमारा।।
सुंदर उपबन देखन गए। सब तरु कुसुमित पल्लव नए।।
जानि समय सनकादिक आए। तेज पुंज गुन सील सुहाए।।
ब्रह्मानंद सदा लयलीना। देखत बालक बहुकालीना।।
रूप धरें जनु चारिउ बेदा। समदरसी मुनि बिगत बिभेदा।।
आसा बसन ब्यसन यह तिन्हहीं। रघुपति चरित होइ तहँ सुनहीं।।
तहाँ रहे सनकादि भवानी। जहँ घटसंभव मुनिबर ग्यानी।।
राम कथा मुनिबर बहु बरनी। ग्यान जोनि पावक जिमि अरनी।।
चौपाई
jaba tē rāma pratāpa khagēsā. udita bhayau ati prabala dinēsā..
pūri prakāsa rahēu tihuom lōkā. bahutēnha sukha bahutana mana sōkā..
jinhahi sōka tē kahauom bakhānī. prathama abidyā nisā nasānī..
agha ulūka jahaom tahāom lukānē. kāma krōdha kairava sakucānē..
bibidha karma guna kāla subhāū. ē cakōra sukha lahahiṃ na kāū..
matsara māna mōha mada cōrā. inha kara hunara na kavanihuom ōrā..
dharama taḍaāga gyāna bigyānā. ē paṃkaja bikasē bidhi nānā..
sukha saṃtōṣa birāga bibēkā. bigata sōka ē kōka anēkā..
चौपाई
bhrātanha sahita rāmu ēka bārā. saṃga parama priya pavanakumārā..
suṃdara upabana dēkhana gaē. saba taru kusumita pallava naē..
jāni samaya sanakādika āē. tēja puṃja guna sīla suhāē..
brahmānaṃda sadā layalīnā. dēkhata bālaka bahukālīnā..
rūpa dharēṃ janu cāriu bēdā. samadarasī muni bigata bibhēdā..
āsā basana byasana yaha tinhahīṃ. raghupati carita hōi tahaom sunahīṃ..
tahāom rahē sanakādi bhavānī. jahaom ghaṭasaṃbhava munibara gyānī..
rāma kathā munibara bahu baranī. gyāna jōni pāvaka jimi aranī..
