चौपाई
कीन्ह दंडवत तीनिउँ भाई। सहित पवनसुत सुख अधिकाई।।
मुनि रघुपति छबि अतुल बिलोकी। भए मगन मन सके न रोकी।।
स्यामल गात सरोरुह लोचन। सुंदरता मंदिर भव मोचन।।
एकटक रहे निमेष न लावहिं। प्रभु कर जोरें सीस नवावहिं।।
तिन्ह कै दसा देखि रघुबीरा। स्त्रवत नयन जल पुलक सरीरा।।
कर गहि प्रभु मुनिबर बैठारे। परम मनोहर बचन उचारे।।
आजु धन्य मैं सुनहु मुनीसा। तुम्हरें दरस जाहिं अघ खीसा।।
बड़े भाग पाइब सतसंगा। बिनहिं प्रयास होहिं भव भंगा।।
चौपाई
सुनि प्रभु बचन हरषि मुनि चारी। पुलकित तन अस्तुति अनुसारी।।
जय भगवंत अनंत अनामय। अनघ अनेक एक करुनामय।।
जय निर्गुन जय जय गुन सागर। सुख मंदिर सुंदर अति नागर।।
जय इंदिरा रमन जय भूधर। अनुपम अज अनादि सोभाकर।।
ग्यान निधान अमान मानप्रद। पावन सुजस पुरान बेद बद।।
तग्य कृतग्य अग्यता भंजन। नाम अनेक अनाम निरंजन।।
सर्ब सर्बगत सर्ब उरालय। बससि सदा हम कहुँ परिपालय।।
द्वंद बिपति भव फंद बिभंजय। ह्रदि बसि राम काम मद गंजय।।
चौपाई
kīnha daṃḍavata tīniuom bhāī. sahita pavanasuta sukha adhikāī..
muni raghupati chabi atula bilōkī. bhaē magana mana sakē na rōkī..
syāmala gāta sarōruha lōcana. suṃdaratā maṃdira bhava mōcana..
ēkaṭaka rahē nimēṣa na lāvahiṃ. prabhu kara jōrēṃ sīsa navāvahiṃ..
tinha kai dasā dēkhi raghubīrā. stravata nayana jala pulaka sarīrā..
kara gahi prabhu munibara baiṭhārē. parama manōhara bacana ucārē..
āju dhanya maiṃ sunahu munīsā. tumharēṃ darasa jāhiṃ agha khīsā..
baḍaē bhāga pāiba satasaṃgā. binahiṃ prayāsa hōhiṃ bhava bhaṃgā..
चौपाई
suni prabhu bacana haraṣi muni cārī. pulakita tana astuti anusārī..
jaya bhagavaṃta anaṃta anāmaya. anagha anēka ēka karunāmaya..
jaya nirguna jaya jaya guna sāgara. sukha maṃdira suṃdara ati nāgara..
jaya iṃdirā ramana jaya bhūdhara. anupama aja anādi sōbhākara..
gyāna nidhāna amāna mānaprada. pāvana sujasa purāna bēda bada..
tagya kṛtagya agyatā bhaṃjana. nāma anēka anāma niraṃjana..
sarba sarbagata sarba urālaya. basasi sadā hama kahuom paripālaya..
dvaṃda bipati bhava phaṃda bibhaṃjaya. hradi basi rāma kāma mada gaṃjaya..
