चौपाई
देहु भगति रघुपति अति पावनि। त्रिबिध ताप भव दाप नसावनि।।
प्रनत काम सुरधेनु कलपतरु। होइ प्रसन्न दीजै प्रभु यह बरु।।
भव बारिधि कुंभज रघुनायक। सेवत सुलभ सकल सुख दायक।।
मन संभव दारुन दुख दारय। दीनबंधु समता बिस्तारय।।
आस त्रास इरिषादि निवारक। बिनय बिबेक बिरति बिस्तारक।।
भूप मौलि मन मंडन धरनी। देहि भगति संसृति सरि तरनी।।
मुनि मन मानस हंस निरंतर। चरन कमल बंदित अज संकर।।
रघुकुल केतु सेतु श्रुति रच्छक। काल करम सुभाउ गुन भच्छक।।
तारन तरन हरन सब दूषन। तुलसिदास प्रभु त्रिभुवन भूषन।।
चौपाई
सनकादिक बिधि लोक सिधाए। भ्रातन्ह राम चरन सिरु नाए।।
पूछत प्रभुहि सकल सकुचाहीं। चितवहिं सब मारुतसुत पाहीं।।
सुनि चहहिं प्रभु मुख कै बानी। जो सुनि होइ सकल भ्रम हानी।।
अंतरजामी प्रभु सभ जाना। बूझत कहहु काह हनुमाना।।
जोरि पानि कह तब हनुमंता। सुनहु दीनदयाल भगवंता।।
नाथ भरत कछु पूँछन चहहीं। प्रस्न करत मन सकुचत अहहीं।।
तुम्ह जानहु कपि मोर सुभाऊ। भरतहि मोहि कछु अंतर काऊ।।
सुनि प्रभु बचन भरत गहे चरना। सुनहु नाथ प्रनतारति हरना।।
चौपाई
dēhu bhagati raghupati ati pāvani. tribidha tāpa bhava dāpa nasāvani..
pranata kāma suradhēnu kalapataru. hōi prasanna dījai prabhu yaha baru..
bhava bāridhi kuṃbhaja raghunāyaka. sēvata sulabha sakala sukha dāyaka..
mana saṃbhava dāruna dukha dāraya. dīnabaṃdhu samatā bistāraya..
āsa trāsa iriṣādi nivāraka. binaya bibēka birati bistāraka..
bhūpa mauli mana maṃḍana dharanī. dēhi bhagati saṃsṛti sari taranī..
muni mana mānasa haṃsa niraṃtara. carana kamala baṃdita aja saṃkara..
raghukula kētu sētu śruti racchaka. kāla karama subhāu guna bhacchaka..
tārana tarana harana saba dūṣana. tulasidāsa prabhu tribhuvana bhūṣana..
चौपाई
sanakādika bidhi lōka sidhāē. bhrātanha rāma carana siru nāē..
pūchata prabhuhi sakala sakucāhīṃ. citavahiṃ saba mārutasuta pāhīṃ..
suni cahahiṃ prabhu mukha kai bānī. jō suni hōi sakala bhrama hānī..
aṃtarajāmī prabhu sabha jānā. būjhata kahahu kāha hanumānā..
jōri pāni kaha taba hanumaṃtā. sunahu dīnadayāla bhagavaṃtā..
nātha bharata kachu pūomchana cahahīṃ. prasna karata mana sakucata ahahīṃ..
tumha jānahu kapi mōra subhāū. bharatahi mōhi kachu aṃtara kāū..
suni prabhu bacana bharata gahē caranā. sunahu nātha pranatārati haranā..
