चौपाई
करउँ कृपानिधि एक ढिठाई। मैं सेवक तुम्ह जन सुखदाई।।
संतन्ह कै महिमा रघुराई। बहु बिधि बेद पुरानन्ह गाई।।
श्रीमुख तुम्ह पुनि कीन्हि बड़ाई। तिन्ह पर प्रभुहि प्रीति अधिकाई।।
सुना चहउँ प्रभु तिन्ह कर लच्छन। कृपासिंधु गुन ग्यान बिचच्छन।।
संत असंत भेद बिलगाई। प्रनतपाल मोहि कहहु बुझाई।।
संतन्ह के लच्छन सुनु भ्राता। अगनित श्रुति पुरान बिख्याता।।
संत असंतन्हि कै असि करनी। जिमि कुठार चंदन आचरनी।।
काटइ परसु मलय सुनु भाई। निज गुन देइ सुगंध बसाई।।
चौपाई
बिषय अलंपट सील गुनाकर। पर दुख दुख सुख सुख देखे पर।।
सम अभूतरिपु बिमद बिरागी। लोभामरष हरष भय त्यागी।।
कोमलचित दीनन्ह पर दाया। मन बच क्रम मम भगति अमाया।।
सबहि मानप्रद आपु अमानी। भरत प्रान सम मम ते प्रानी।।
बिगत काम मम नाम परायन। सांति बिरति बिनती मुदितायन।।
सीतलता सरलता मयत्री। द्विज पद प्रीति धर्म जनयत्री।।
ए सब लच्छन बसहिं जासु उर। जानेहु तात संत संतत फुर।।
सम दम नियम नीति नहिं डोलहिं। परुष बचन कबहूँ नहिं बोलहिं।।
चौपाई
karauom kṛpānidhi ēka ḍhiṭhāī. maiṃ sēvaka tumha jana sukhadāī..
saṃtanha kai mahimā raghurāī. bahu bidhi bēda purānanha gāī..
śrīmukha tumha puni kīnhi baḍaāī. tinha para prabhuhi prīti adhikāī..
sunā cahauom prabhu tinha kara lacchana. kṛpāsiṃdhu guna gyāna bicacchana..
saṃta asaṃta bhēda bilagāī. pranatapāla mōhi kahahu bujhāī..
saṃtanha kē lacchana sunu bhrātā. aganita śruti purāna bikhyātā..
saṃta asaṃtanhi kai asi karanī. jimi kuṭhāra caṃdana ācaranī..
kāṭai parasu malaya sunu bhāī. nija guna dēi sugaṃdha basāī..
चौपाई
biṣaya alaṃpaṭa sīla gunākara. para dukha dukha sukha sukha dēkhē para..
sama abhūtaripu bimada birāgī. lōbhāmaraṣa haraṣa bhaya tyāgī..
kōmalacita dīnanha para dāyā. mana baca krama mama bhagati amāyā..
sabahi mānaprada āpu amānī. bharata prāna sama mama tē prānī..
bigata kāma mama nāma parāyana. sāṃti birati binatī muditāyana..
sītalatā saralatā mayatrī. dvija pada prīti dharma janayatrī..
ē saba lacchana basahiṃ jāsu ura. jānēhu tāta saṃta saṃtata phura..
sama dama niyama nīti nahiṃ ḍōlahiṃ. paruṣa bacana kabahūom nahiṃ bōlahiṃ..
