चौपाई
सनहु असंतन्ह केर सुभाऊ। भूलेहुँ संगति करिअ न काऊ।।
तिन्ह कर संग सदा दुखदाई। जिमि कलपहि घालइ हरहाई।।
खलन्ह हृदयँ अति ताप बिसेषी। जरहिं सदा पर संपति देखी।।
जहँ कहुँ निंदा सुनहिं पराई। हरषहिं मनहुँ परी निधि पाई।।
काम क्रोध मद लोभ परायन। निर्दय कपटी कुटिल मलायन।।
बयरु अकारन सब काहू सों। जो कर हित अनहित ताहू सों।।
झूठइ लेना झूठइ देना। झूठइ भोजन झूठ चबेना।।
बोलहिं मधुर बचन जिमि मोरा। खाइ महा अति हृदय कठोरा।।
चौपाई
लोभइ ओढ़न लोभइ डासन। सिस्त्रोदर पर जमपुर त्रास न।।
काहू की जौं सुनहिं बड़ाई। स्वास लेहिं जनु जूड़ी आई।।
जब काहू कै देखहिं बिपती। सुखी भए मानहुँ जग नृपती।।
स्वारथ रत परिवार बिरोधी। लंपट काम लोभ अति क्रोधी।।
मातु पिता गुर बिप्र न मानहिं। आपु गए अरु घालहिं आनहिं।।
करहिं मोह बस द्रोह परावा। संत संग हरि कथा न भावा।।
अवगुन सिंधु मंदमति कामी। बेद बिदूषक परधन स्वामी।।
बिप्र द्रोह पर द्रोह बिसेषा। दंभ कपट जियँ धरें सुबेषा।।
चौपाई
sanahu asaṃtanha kēra subhāū. bhūlēhuom saṃgati karia na kāū..
tinha kara saṃga sadā dukhadāī. jimi kalapahi ghālai harahāī..
khalanha hṛdayaom ati tāpa bisēṣī. jarahiṃ sadā para saṃpati dēkhī..
jahaom kahuom niṃdā sunahiṃ parāī. haraṣahiṃ manahuom parī nidhi pāī..
kāma krōdha mada lōbha parāyana. nirdaya kapaṭī kuṭila malāyana..
bayaru akārana saba kāhū sōṃ. jō kara hita anahita tāhū sōṃ..
jhūṭhai lēnā jhūṭhai dēnā. jhūṭhai bhōjana jhūṭha cabēnā..
bōlahiṃ madhura bacana jimi mōrā. khāi mahā ati hṛdaya kaṭhōrā..
चौपाई
lōbhai ōḍhana lōbhai ḍāsana. sistrōdara para jamapura trāsa na..
kāhū kī jauṃ sunahiṃ baḍaāī. svāsa lēhiṃ janu jūḍaī āī..
jaba kāhū kai dēkhahiṃ bipatī. sukhī bhaē mānahuom jaga nṛpatī..
svāratha rata parivāra birōdhī. laṃpaṭa kāma lōbha ati krōdhī..
mātu pitā gura bipra na mānahiṃ. āpu gaē aru ghālahiṃ ānahiṃ..
karahiṃ mōha basa drōha parāvā. saṃta saṃga hari kathā na bhāvā..
avaguna siṃdhu maṃdamati kāmī. bēda bidūṣaka paradhana svāmī..
bipra drōha para drōha bisēṣā. daṃbha kapaṭa jiyaom dharēṃ subēṣā..
