चौपाई
हरषि भरत कोसलपुर आए। समाचार सब गुरहि सुनाए।।
पुनि मंदिर महँ बात जनाई। आवत नगर कुसल रघुराई।।
सुनत सकल जननीं उठि धाईं। कहि प्रभु कुसल भरत समुझाई।।
समाचार पुरबासिन्ह पाए। नर अरु नारि हरषि सब धाए।।
दधि दुर्बा रोचन फल फूला। नव तुलसी दल मंगल मूला।।
भरि भरि हेम थार भामिनी। गावत चलिं सिंधु सिंधुरगामिनी।।
जे जैसेहिं तैसेहिं उटि धावहिं। बाल बृद्ध कहँ संग न लावहिं।।
एक एकन्ह कहँ बूझहिं भाई। तुम्ह देखे दयाल रघुराई।।
अवधपुरी प्रभु आवत जानी। भई सकल सोभा कै खानी।।
बहइ सुहावन त्रिबिध समीरा। भइ सरजू अति निर्मल नीरा।।
चौपाई
इहाँ भानुकुल कमल दिवाकर। कपिन्ह देखावत नगर मनोहर।।
सुनु कपीस अंगद लंकेसा। पावन पुरी रुचिर यह देसा।।
जद्यपि सब बैकुंठ बखाना। बेद पुरान बिदित जगु जाना।।
अवधपुरी सम प्रिय नहिं सोऊ। यह प्रसंग जानइ कोउ कोऊ।।
जन्मभूमि मम पुरी सुहावनि। उत्तर दिसि बह सरजू पावनि।।
जा मज्जन ते बिनहिं प्रयासा। मम समीप नर पावहिं बासा।।
अति प्रिय मोहि इहाँ के बासी। मम धामदा पुरी सुख रासी।।
हरषे सब कपि सुनि प्रभु बानी। धन्य अवध जो राम बखानी।।
चौपाई
haraṣi bharata kōsalapura āē. samācāra saba gurahi sunāē..
puni maṃdira mahaom bāta janāī. āvata nagara kusala raghurāī..
sunata sakala jananīṃ uṭhi dhāīṃ. kahi prabhu kusala bharata samujhāī..
samācāra purabāsinha pāē. nara aru nāri haraṣi saba dhāē..
dadhi durbā rōcana phala phūlā. nava tulasī dala maṃgala mūlā..
bhari bhari hēma thāra bhāminī. gāvata caliṃ siṃdhu siṃdhuragāminī..
jē jaisēhiṃ taisēhiṃ uṭi dhāvahiṃ. bāla bṛddha kahaom saṃga na lāvahiṃ..
ēka ēkanha kahaom būjhahiṃ bhāī. tumha dēkhē dayāla raghurāī..
avadhapurī prabhu āvata jānī. bhaī sakala sōbhā kai khānī..
bahai suhāvana tribidha samīrā. bhai sarajū ati nirmala nīrā..
चौपाई
ihāom bhānukula kamala divākara. kapinha dēkhāvata nagara manōhara..
sunu kapīsa aṃgada laṃkēsā. pāvana purī rucira yaha dēsā..
jadyapi saba baikuṃṭha bakhānā. bēda purāna bidita jagu jānā..
avadhapurī sama priya nahiṃ sōū. yaha prasaṃga jānai kōu kōū..
janmabhūmi mama purī suhāvani. uttara disi baha sarajū pāvani..
jā majjana tē binahiṃ prayāsā. mama samīpa nara pāvahiṃ bāsā..
ati priya mōhi ihāom kē bāsī. mama dhāmadā purī sukha rāsī..
haraṣē saba kapi suni prabhu bānī. dhanya avadha jō rāma bakhānī..
