चौपाई
नाना भाँति मनहि समुझावा। प्रगट न ग्यान हृदयँ भ्रम छावा।।
खेद खिन्न मन तर्क बढ़ाई। भयउ मोहबस तुम्हरिहिं नाई।।
ब्याकुल गयउ देवरिषि पाहीं। कहेसि जो संसय निज मन माहीं।।
सुनि नारदहि लागि अति दाया। सुनु खग प्रबल राम कै माया।।
जो ग्यानिन्ह कर चित अपहरई। बरिआई बिमोह मन करई।।
जेहिं बहु बार नचावा मोही। सोइ ब्यापी बिहंगपति तोही।।
महामोह उपजा उर तोरें। मिटिहि न बेगि कहें खग मोरें।।
चतुरानन पहिं जाहु खगेसा। सोइ करेहु जेहि होइ निदेसा।।
चौपाई
तब खगपति बिरंचि पहिं गयऊ। निज संदेह सुनावत भयऊ।।
सुनि बिरंचि रामहि सिरु नावा। समुझि प्रताप प्रेम अति छावा।।
मन महुँ करइ बिचार बिधाता। माया बस कबि कोबिद ग्याता।।
हरि माया कर अमिति प्रभावा। बिपुल बार जेहिं मोहि नचावा।।
अग जगमय जग मम उपराजा। नहिं आचरज मोह खगराजा।।
तब बोले बिधि गिरा सुहाई। जान महेस राम प्रभुताई।।
बैनतेय संकर पहिं जाहू। तात अनत पूछहु जनि काहू।।
तहँ होइहि तव संसय हानी। चलेउ बिहंग सुनत बिधि बानी।।
चौपाई
nānā bhāomti manahi samujhāvā. pragaṭa na gyāna hṛdayaom bhrama chāvā..
khēda khinna mana tarka baḍhaāī. bhayau mōhabasa tumharihiṃ nāī..
byākula gayau dēvariṣi pāhīṃ. kahēsi jō saṃsaya nija mana māhīṃ..
suni nāradahi lāgi ati dāyā. sunu khaga prabala rāma kai māyā..
jō gyāninha kara cita apaharaī. bariāī bimōha mana karaī..
jēhiṃ bahu bāra nacāvā mōhī. sōi byāpī bihaṃgapati tōhī..
mahāmōha upajā ura tōrēṃ. miṭihi na bēgi kahēṃ khaga mōrēṃ..
caturānana pahiṃ jāhu khagēsā. sōi karēhu jēhi hōi nidēsā..
चौपाई
taba khagapati biraṃci pahiṃ gayaū. nija saṃdēha sunāvata bhayaū..
suni biraṃci rāmahi siru nāvā. samujhi pratāpa prēma ati chāvā..
mana mahuom karai bicāra bidhātā. māyā basa kabi kōbida gyātā..
hari māyā kara amiti prabhāvā. bipula bāra jēhiṃ mōhi nacāvā..
aga jagamaya jaga mama uparājā. nahiṃ ācaraja mōha khagarājā..
taba bōlē bidhi girā suhāī. jāna mahēsa rāma prabhutāī..
bainatēya saṃkara pahiṃ jāhū. tāta anata pūchahu jani kāhū..
tahaom hōihi tava saṃsaya hānī. calēu bihaṃga sunata bidhi bānī..
