चौपाई
तेहिं मम पद सादर सिरु नावा। पुनि आपन संदेह सुनावा।।
सुनि ता करि बिनती मृदु बानी। परेम सहित मैं कहेउँ भवानी।।
मिलेहु गरुड़ मारग महँ मोही। कवन भाँति समुझावौं तोही।।
तबहि होइ सब संसय भंगा। जब बहु काल करिअ सतसंगा।।
सुनिअ तहाँ हरि कथा सुहाई। नाना भाँति मुनिन्ह जो गाई।।
जेहि महुँ आदि मध्य अवसाना। प्रभु प्रतिपाद्य राम भगवाना।।
नित हरि कथा होत जहँ भाई। पठवउँ तहाँ सुनहि तुम्ह जाई।।
जाइहि सुनत सकल संदेहा। राम चरन होइहि अति नेहा।।
चौपाई
मिलहिं न रघुपति बिनु अनुरागा। किएँ जोग तप ग्यान बिरागा।।
उत्तर दिसि सुंदर गिरि नीला। तहँ रह काकभुसुंडि सुसीला।।
राम भगति पथ परम प्रबीना। ग्यानी गुन गृह बहु कालीना।।
राम कथा सो कहइ निरंतर। सादर सुनहिं बिबिध बिहंगबर।।
जाइ सुनहु तहँ हरि गुन भूरी। होइहि मोह जनित दुख दूरी।।
मैं जब तेहि सब कहा बुझाई। चलेउ हरषि मम पद सिरु नाई।।
ताते उमा न मैं समुझावा। रघुपति कृपाँ मरमु मैं पावा।।
होइहि कीन्ह कबहुँ अभिमाना। सो खौवै चह कृपानिधाना।।
कछु तेहि ते पुनि मैं नहिं राखा। समुझइ खग खगही कै भाषा।।
प्रभु माया बलवंत भवानी। जाहि न मोह कवन अस ग्यानी।।
चौपाई
tēhiṃ mama pada sādara siru nāvā. puni āpana saṃdēha sunāvā..
suni tā kari binatī mṛdu bānī. parēma sahita maiṃ kahēuom bhavānī..
milēhu garuḍa māraga mahaom mōhī. kavana bhāomti samujhāvauṃ tōhī..
tabahi hōi saba saṃsaya bhaṃgā. jaba bahu kāla karia satasaṃgā..
sunia tahāom hari kathā suhāī. nānā bhāomti muninha jō gāī..
jēhi mahuom ādi madhya avasānā. prabhu pratipādya rāma bhagavānā..
nita hari kathā hōta jahaom bhāī. paṭhavauom tahāom sunahi tumha jāī..
jāihi sunata sakala saṃdēhā. rāma carana hōihi ati nēhā..
चौपाई
milahiṃ na raghupati binu anurāgā. kiēom jōga tapa gyāna birāgā..
uttara disi suṃdara giri nīlā. tahaom raha kākabhusuṃḍi susīlā..
rāma bhagati patha parama prabīnā. gyānī guna gṛha bahu kālīnā..
rāma kathā sō kahai niraṃtara. sādara sunahiṃ bibidha bihaṃgabara..
jāi sunahu tahaom hari guna bhūrī. hōihi mōha janita dukha dūrī..
maiṃ jaba tēhi saba kahā bujhāī. calēu haraṣi mama pada siru nāī..
tātē umā na maiṃ samujhāvā. raghupati kṛpāom maramu maiṃ pāvā..
hōihi kīnha kabahuom abhimānā. sō khauvai caha kṛpānidhānā..
kachu tēhi tē puni maiṃ nahiṃ rākhā. samujhai khaga khagahī kai bhāṣā..
prabhu māyā balavaṃta bhavānī. jāhi na mōha kavana asa gyānī..
