चौपाई
गयउ गरुड़ जहँ बसइ भुसुंडा। मति अकुंठ हरि भगति अखंडा।।
देखि सैल प्रसन्न मन भयऊ। माया मोह सोच सब गयऊ।।
करि तड़ाग मज्जन जलपाना। बट तर गयउ हृदयँ हरषाना।।
बृद्ध बृद्ध बिहंग तहँ आए। सुनै राम के चरित सुहाए।।
कथा अरंभ करै सोइ चाहा। तेही समय गयउ खगनाहा।।
आवत देखि सकल खगराजा। हरषेउ बायस सहित समाजा।।
अति आदर खगपति कर कीन्हा। स्वागत पूछि सुआसन दीन्हा।।
करि पूजा समेत अनुरागा। मधुर बचन तब बोलेउ कागा।।
चौपाई
सुनहु तात जेहि कारन आयउँ। सो सब भयउ दरस तव पायउँ।।
देखि परम पावन तव आश्रम। गयउ मोह संसय नाना भ्रम।।
अब श्रीराम कथा अति पावनि। सदा सुखद दुख पुंज नसावनि।।
सादर तात सुनावहु मोही। बार बार बिनवउँ प्रभु तोही।।
सुनत गरुड़ कै गिरा बिनीता। सरल सुप्रेम सुखद सुपुनीता।।
भयउ तासु मन परम उछाहा। लाग कहै रघुपति गुन गाहा।।
प्रथमहिं अति अनुराग भवानी। रामचरित सर कहेसि बखानी।।
पुनि नारद कर मोह अपारा। कहेसि बहुरि रावन अवतारा।।
प्रभु अवतार कथा पुनि गाई। तब सिसु चरित कहेसि मन लाई।।
चौपाई
gayau garuḍa jahaom basai bhusuṃḍā. mati akuṃṭha hari bhagati akhaṃḍā..
dēkhi saila prasanna mana bhayaū. māyā mōha sōca saba gayaū..
kari taḍaāga majjana jalapānā. baṭa tara gayau hṛdayaom haraṣānā..
bṛddha bṛddha bihaṃga tahaom āē. sunai rāma kē carita suhāē..
kathā araṃbha karai sōi cāhā. tēhī samaya gayau khaganāhā..
āvata dēkhi sakala khagarājā. haraṣēu bāyasa sahita samājā..
ati ādara khagapati kara kīnhā. svāgata pūchi suāsana dīnhā..
kari pūjā samēta anurāgā. madhura bacana taba bōlēu kāgā..
चौपाई
sunahu tāta jēhi kārana āyauom. sō saba bhayau darasa tava pāyauom..
dēkhi parama pāvana tava āśrama. gayau mōha saṃsaya nānā bhrama..
aba śrīrāma kathā ati pāvani. sadā sukhada dukha puṃja nasāvani..
sādara tāta sunāvahu mōhī. bāra bāra binavauom prabhu tōhī..
sunata garuḍa kai girā binītā. sarala suprēma sukhada supunītā..
bhayau tāsu mana parama uchāhā. lāga kahai raghupati guna gāhā..
prathamahiṃ ati anurāga bhavānī. rāmacarita sara kahēsi bakhānī..
puni nārada kara mōha apārā. kahēsi bahuri rāvana avatārā..
prabhu avatāra kathā puni gāī. taba sisu carita kahēsi mana lāī..
