चौपाई
बहुरि राम अभिषेक प्रसंगा। पुनि नृप बचन राज रस भंगा।।
पुरबासिन्ह कर बिरह बिषादा। कहेसि राम लछिमन संबादा।।
बिपिन गवन केवट अनुरागा। सुरसरि उतरि निवास प्रयागा।।
बालमीक प्रभु मिलन बखाना। चित्रकूट जिमि बसे भगवाना।।
सचिवागवन नगर नृप मरना। भरतागवन प्रेम बहु बरना।।
करि नृप क्रिया संग पुरबासी। भरत गए जहँ प्रभु सुख रासी।।
पुनि रघुपति बहु बिधि समुझाए। लै पादुका अवधपुर आए।।
भरत रहनि सुरपति सुत करनी। प्रभु अरु अत्रि भेंट पुनि बरनी।।
चौपाई
कहि दंडक बन पावनताई। गीध मइत्री पुनि तेहिं गाई।।
पुनि प्रभु पंचवटीं कृत बासा। भंजी सकल मुनिन्ह की त्रासा।।
पुनि लछिमन उपदेस अनूपा। सूपनखा जिमि कीन्हि कुरूपा।।
खर दूषन बध बहुरि बखाना। जिमि सब मरमु दसानन जाना।।
दसकंधर मारीच बतकहीं। जेहि बिधि भई सो सब तेहिं कही।।
पुनि माया सीता कर हरना। श्रीरघुबीर बिरह कछु बरना।।
पुनि प्रभु गीध क्रिया जिमि कीन्ही। बधि कबंध सबरिहि गति दीन्ही।।
बहुरि बिरह बरनत रघुबीरा। जेहि बिधि गए सरोबर तीरा।।
चौपाई
bahuri rāma abhiṣēka prasaṃgā. puni nṛpa bacana rāja rasa bhaṃgā..
purabāsinha kara biraha biṣādā. kahēsi rāma lachimana saṃbādā..
bipina gavana kēvaṭa anurāgā. surasari utari nivāsa prayāgā..
bālamīka prabhu milana bakhānā. citrakūṭa jimi basē bhagavānā..
sacivāgavana nagara nṛpa maranā. bharatāgavana prēma bahu baranā..
kari nṛpa kriyā saṃga purabāsī. bharata gaē jahaom prabhu sukha rāsī..
puni raghupati bahu bidhi samujhāē. lai pādukā avadhapura āē..
bharata rahani surapati suta karanī. prabhu aru atri bhēṃṭa puni baranī..
चौपाई
kahi daṃḍaka bana pāvanatāī. gīdha maitrī puni tēhiṃ gāī..
puni prabhu paṃcavaṭīṃ kṛta bāsā. bhaṃjī sakala muninha kī trāsā..
puni lachimana upadēsa anūpā. sūpanakhā jimi kīnhi kurūpā..
khara dūṣana badha bahuri bakhānā. jimi saba maramu dasānana jānā..
dasakaṃdhara mārīca batakahīṃ. jēhi bidhi bhaī sō saba tēhiṃ kahī..
puni māyā sītā kara haranā. śrīraghubīra biraha kachu baranā..
puni prabhu gīdha kriyā jimi kīnhī. badhi kabaṃdha sabarihi gati dīnhī..
bahuri biraha baranata raghubīrā. jēhi bidhi gaē sarōbara tīrā..
