चौपाई
जेहि बिधि कपिपति कीस पठाए। सीता खोज सकल दिसि धाए।।
बिबर प्रबेस कीन्ह जेहि भाँती। कपिन्ह बहोरि मिला संपाती।।
सुनि सब कथा समीरकुमारा। नाघत भयउ पयोधि अपारा।।
लंकाँ कपि प्रबेस जिमि कीन्हा। पुनि सीतहि धीरजु जिमि दीन्हा।।
बन उजारि रावनहि प्रबोधी। पुर दहि नाघेउ बहुरि पयोधी।।
आए कपि सब जहँ रघुराई। बैदेही कि कुसल सुनाई।।
सेन समेति जथा रघुबीरा। उतरे जाइ बारिनिधि तीरा।।
मिला बिभीषन जेहि बिधि आई। सागर निग्रह कथा सुनाई।।
चौपाई
निसिचर निकर मरन बिधि नाना। रघुपति रावन समर बखाना।।
रावन बध मंदोदरि सोका। राज बिभीषण देव असोका।।
सीता रघुपति मिलन बहोरी। सुरन्ह कीन्ह अस्तुति कर जोरी।।
पुनि पुष्पक चढ़ि कपिन्ह समेता। अवध चले प्रभु कृपा निकेता।।
जेहि बिधि राम नगर निज आए। बायस बिसद चरित सब गाए।।
कहेसि बहोरि राम अभिषैका। पुर बरनत नृपनीति अनेका।।
कथा समस्त भुसुंड बखानी। जो मैं तुम्ह सन कही भवानी।।
सुनि सब राम कथा खगनाहा। कहत बचन मन परम उछाहा।।
चौपाई
jēhi bidhi kapipati kīsa paṭhāē. sītā khōja sakala disi dhāē..
bibara prabēsa kīnha jēhi bhāomtī. kapinha bahōri milā saṃpātī..
suni saba kathā samīrakumārā. nāghata bhayau payōdhi apārā..
laṃkāom kapi prabēsa jimi kīnhā. puni sītahi dhīraju jimi dīnhā..
bana ujāri rāvanahi prabōdhī. pura dahi nāghēu bahuri payōdhī..
āē kapi saba jahaom raghurāī. baidēhī ki kusala sunāī..
sēna samēti jathā raghubīrā. utarē jāi bārinidhi tīrā..
milā bibhīṣana jēhi bidhi āī. sāgara nigraha kathā sunāī..
चौपाई
nisicara nikara marana bidhi nānā. raghupati rāvana samara bakhānā..
rāvana badha maṃdōdari sōkā. rāja bibhīṣaṇa dēva asōkā..
sītā raghupati milana bahōrī. suranha kīnha astuti kara jōrī..
puni puṣpaka caḍhai kapinha samētā. avadha calē prabhu kṛpā nikētā..
jēhi bidhi rāma nagara nija āē. bāyasa bisada carita saba gāē..
kahēsi bahōri rāma abhiṣaikā. pura baranata nṛpanīti anēkā..
kathā samasta bhusuṃḍa bakhānī. jō maiṃ tumha sana kahī bhavānī..
suni saba rāma kathā khaganāhā. kahata bacana mana parama uchāhā..
