चौपाई
निज मति सरिस नाथ मैं गाई। प्रभु प्रताप महिमा खगराई।।
कहेउँ न कछु करि जुगुति बिसेषी। यह सब मैं निज नयनन्हि देखी।।
महिमा नाम रूप गुन गाथा। सकल अमित अनंत रघुनाथा।।
निज निज मति मुनि हरि गुन गावहिं। निगम सेष सिव पार न पावहिं।।
तुम्हहि आदि खग मसक प्रजंता। नभ उड़ाहिं नहिं पावहिं अंता।।
तिमि रघुपति महिमा अवगाहा। तात कबहुँ कोउ पाव कि थाहा।।
रामु काम सत कोटि सुभग तन। दुर्गा कोटि अमित अरि मर्दन।।
सक्र कोटि सत सरिस बिलासा। नभ सत कोटि अमित अवकासा।।
चौपाई
प्रभु अगाध सत कोटि पताला। समन कोटि सत सरिस कराला।।
तीरथ अमित कोटि सम पावन। नाम अखिल अघ पूग नसावन।।
हिमगिरि कोटि अचल रघुबीरा। सिंधु कोटि सत सम गंभीरा।।
कामधेनु सत कोटि समाना। सकल काम दायक भगवाना।।
सारद कोटि अमित चतुराई। बिधि सत कोटि सृष्टि निपुनाई।।
बिष्नु कोटि सम पालन कर्ता। रुद्र कोटि सत सम संहर्ता।।
धनद कोटि सत सम धनवाना। माया कोटि प्रपंच निधाना।।
भार धरन सत कोटि अहीसा। निरवधि निरुपम प्रभु जगदीसा।।
चौपाई
nija mati sarisa nātha maiṃ gāī. prabhu pratāpa mahimā khagarāī..
kahēuom na kachu kari juguti bisēṣī. yaha saba maiṃ nija nayananhi dēkhī..
mahimā nāma rūpa guna gāthā. sakala amita anaṃta raghunāthā..
nija nija mati muni hari guna gāvahiṃ. nigama sēṣa siva pāra na pāvahiṃ..
tumhahi ādi khaga masaka prajaṃtā. nabha uḍaāhiṃ nahiṃ pāvahiṃ aṃtā..
timi raghupati mahimā avagāhā. tāta kabahuom kōu pāva ki thāhā..
rāmu kāma sata kōṭi subhaga tana. durgā kōṭi amita ari mardana..
sakra kōṭi sata sarisa bilāsā. nabha sata kōṭi amita avakāsā..
चौपाई
prabhu agādha sata kōṭi patālā. samana kōṭi sata sarisa karālā..
tīratha amita kōṭi sama pāvana. nāma akhila agha pūga nasāvana..
himagiri kōṭi acala raghubīrā. siṃdhu kōṭi sata sama gaṃbhīrā..
kāmadhēnu sata kōṭi samānā. sakala kāma dāyaka bhagavānā..
sārada kōṭi amita caturāī. bidhi sata kōṭi sṛṣṭi nipunāī..
biṣnu kōṭi sama pālana kartā. rudra kōṭi sata sama saṃhartā..
dhanada kōṭi sata sama dhanavānā. māyā kōṭi prapaṃca nidhānā..
bhāra dharana sata kōṭi ahīsā. niravadhi nirupama prabhu jagadīsā..
