चौपाई
गरुड़ गिरा सुनि हरषेउ कागा। बोलेउ उमा परम अनुरागा।।
धन्य धन्य तव मति उरगारी। प्रस्न तुम्हारि मोहि अति प्यारी।।
सुनि तव प्रस्न सप्रेम सुहाई। बहुत जनम कै सुधि मोहि आई।।
सब निज कथा कहउँ मैं गाई। तात सुनहु सादर मन लाई।।
जप तप मख सम दम ब्रत दाना। बिरति बिबेक जोग बिग्याना।।
सब कर फल रघुपति पद प्रेमा। तेहि बिनु कोउ न पावइ छेमा।।
एहि तन राम भगति मैं पाई। ताते मोहि ममता अधिकाई।।
जेहि तें कछु निज स्वारथ होई। तेहि पर ममता कर सब कोई।।
चौपाई
स्वारथ साँच जीव कहुँ एहा। मन क्रम बचन राम पद नेहा।।
सोइ पावन सोइ सुभग सरीरा। जो तनु पाइ भजिअ रघुबीरा।।
राम बिमुख लहि बिधि सम देही। कबि कोबिद न प्रसंसहिं तेही।।
राम भगति एहिं तन उर जामी। ताते मोहि परम प्रिय स्वामी।।
तजउँ न तन निज इच्छा मरना। तन बिनु बेद भजन नहिं बरना।।
प्रथम मोहँ मोहि बहुत बिगोवा। राम बिमुख सुख कबहुँ न सोवा।।
नाना जनम कर्म पुनि नाना। किए जोग जप तप मख दाना।।
कवन जोनि जनमेउँ जहँ नाहीं। मैं खगेस भ्रमि भ्रमि जग माहीं।।
देखेउँ करि सब करम गोसाई। सुखी न भयउँ अबहिं की नाई।।
सुधि मोहि नाथ जन्म बहु केरी। सिव प्रसाद मति मोहँ न घेरी।।
चौपाई
garuḍa girā suni haraṣēu kāgā. bōlēu umā parama anurāgā..
dhanya dhanya tava mati uragārī. prasna tumhāri mōhi ati pyārī..
suni tava prasna saprēma suhāī. bahuta janama kai sudhi mōhi āī..
saba nija kathā kahauom maiṃ gāī. tāta sunahu sādara mana lāī..
japa tapa makha sama dama brata dānā. birati bibēka jōga bigyānā..
saba kara phala raghupati pada prēmā. tēhi binu kōu na pāvai chēmā..
ēhi tana rāma bhagati maiṃ pāī. tātē mōhi mamatā adhikāī..
jēhi tēṃ kachu nija svāratha hōī. tēhi para mamatā kara saba kōī..
चौपाई
svāratha sāomca jīva kahuom ēhā. mana krama bacana rāma pada nēhā..
sōi pāvana sōi subhaga sarīrā. jō tanu pāi bhajia raghubīrā..
rāma bimukha lahi bidhi sama dēhī. kabi kōbida na prasaṃsahiṃ tēhī..
rāma bhagati ēhiṃ tana ura jāmī. tātē mōhi parama priya svāmī..
tajauom na tana nija icchā maranā. tana binu bēda bhajana nahiṃ baranā..
prathama mōhaom mōhi bahuta bigōvā. rāma bimukha sukha kabahuom na sōvā..
nānā janama karma puni nānā. kiē jōga japa tapa makha dānā..
kavana jōni janamēuom jahaom nāhīṃ. maiṃ khagēsa bhrami bhrami jaga māhīṃ..
dēkhēuom kari saba karama gōsāī. sukhī na bhayauom abahiṃ kī nāī..
sudhi mōhi nātha janma bahu kērī. siva prasāda mati mōhaom na ghērī..
