चौपाई
तेहि कलिजुग कोसलपुर जाई। जन्मत भयउँ सूद्र तनु पाई।।
सिव सेवक मन क्रम अरु बानी। आन देव निंदक अभिमानी।।
धन मद मत्त परम बाचाला। उग्रबुद्धि उर दंभ बिसाला।।
जदपि रहेउँ रघुपति रजधानी। तदपि न कछु महिमा तब जानी।।
अब जाना मैं अवध प्रभावा। निगमागम पुरान अस गावा।।
कवनेहुँ जन्म अवध बस जोई। राम परायन सो परि होई।।
अवध प्रभाव जान तब प्रानी। जब उर बसहिं रामु धनुपानी।।
सो कलिकाल कठिन उरगारी। पाप परायन सब नर नारी।।
चौपाई
बरन धर्म नहिं आश्रम चारी। श्रुति बिरोध रत सब नर नारी।।
द्विज श्रुति बेचक भूप प्रजासन। कोउ नहिं मान निगम अनुसासन।।
मारग सोइ जा कहुँ जोइ भावा। पंडित सोइ जो गाल बजावा।।
मिथ्यारंभ दंभ रत जोई। ता कहुँ संत कहइ सब कोई।।
सोइ सयान जो परधन हारी। जो कर दंभ सो बड़ आचारी।।
जौ कह झूँठ मसखरी जाना। कलिजुग सोइ गुनवंत बखाना।।
निराचार जो श्रुति पथ त्यागी। कलिजुग सोइ ग्यानी सो बिरागी।।
जाकें नख अरु जटा बिसाला। सोइ तापस प्रसिद्ध कलिकाला।।
चौपाई
tēhi kalijuga kōsalapura jāī. janmata bhayauom sūdra tanu pāī..
siva sēvaka mana krama aru bānī. āna dēva niṃdaka abhimānī..
dhana mada matta parama bācālā. ugrabuddhi ura daṃbha bisālā..
jadapi rahēuom raghupati rajadhānī. tadapi na kachu mahimā taba jānī..
aba jānā maiṃ avadha prabhāvā. nigamāgama purāna asa gāvā..
kavanēhuom janma avadha basa jōī. rāma parāyana sō pari hōī..
avadha prabhāva jāna taba prānī. jaba ura basahiṃ rāmu dhanupānī..
sō kalikāla kaṭhina uragārī. pāpa parāyana saba nara nārī..
चौपाई
barana dharma nahiṃ āśrama cārī. śruti birōdha rata saba nara nārī..
dvija śruti bēcaka bhūpa prajāsana. kōu nahiṃ māna nigama anusāsana..
māraga sōi jā kahuom jōi bhāvā. paṃḍita sōi jō gāla bajāvā..
mithyāraṃbha daṃbha rata jōī. tā kahuom saṃta kahai saba kōī..
sōi sayāna jō paradhana hārī. jō kara daṃbha sō baḍa ācārī..
jau kaha jhūomṭha masakharī jānā. kalijuga sōi gunavaṃta bakhānā..
nirācāra jō śruti patha tyāgī. kalijuga sōi gyānī sō birāgī..
jākēṃ nakha aru jaṭā bisālā. sōi tāpasa prasiddha kalikālā..
