चौपाई
नारि बिबस नर सकल गोसाई। नाचहिं नट मर्कट की नाई।।
सूद्र द्विजन्ह उपदेसहिं ग्याना। मेलि जनेऊ लेहिं कुदाना।।
सब नर काम लोभ रत क्रोधी। देव बिप्र श्रुति संत बिरोधी।।
गुन मंदिर सुंदर पति त्यागी। भजहिं नारि पर पुरुष अभागी।।
सौभागिनीं बिभूषन हीना। बिधवन्ह के सिंगार नबीना।।
गुर सिष बधिर अंध का लेखा। एक न सुनइ एक नहिं देखा।।
हरइ सिष्य धन सोक न हरई। सो गुर घोर नरक महुँ परई।।
मातु पिता बालकन्हि बोलाबहिं। उदर भरै सोइ धर्म सिखावहिं।।
चौपाई
पर त्रिय लंपट कपट सयाने। मोह द्रोह ममता लपटाने।।
तेइ अभेदबादी ग्यानी नर। देखा में चरित्र कलिजुग कर।।
आपु गए अरु तिन्हहू घालहिं। जे कहुँ सत मारग प्रतिपालहिं।।
कल्प कल्प भरि एक एक नरका। परहिं जे दूषहिं श्रुति करि तरका।।
जे बरनाधम तेलि कुम्हारा। स्वपच किरात कोल कलवारा।।
नारि मुई गृह संपति नासी। मूड़ मुड़ाइ होहिं सन्यासी।।
ते बिप्रन्ह सन आपु पुजावहिं। उभय लोक निज हाथ नसावहिं।।
बिप्र निरच्छर लोलुप कामी। निराचार सठ बृषली स्वामी।।
सूद्र करहिं जप तप ब्रत नाना। बैठि बरासन कहहिं पुराना।।
सब नर कल्पित करहिं अचारा। जाइ न बरनि अनीति अपारा।।
चौपाई
nāri bibasa nara sakala gōsāī. nācahiṃ naṭa markaṭa kī nāī..
sūdra dvijanha upadēsahiṃ gyānā. mēli janēū lēhiṃ kudānā..
saba nara kāma lōbha rata krōdhī. dēva bipra śruti saṃta birōdhī..
guna maṃdira suṃdara pati tyāgī. bhajahiṃ nāri para puruṣa abhāgī..
saubhāginīṃ bibhūṣana hīnā. bidhavanha kē siṃgāra nabīnā..
gura siṣa badhira aṃdha kā lēkhā. ēka na sunai ēka nahiṃ dēkhā..
harai siṣya dhana sōka na haraī. sō gura ghōra naraka mahuom paraī..
mātu pitā bālakanhi bōlābahiṃ. udara bharai sōi dharma sikhāvahiṃ..
चौपाई
para triya laṃpaṭa kapaṭa sayānē. mōha drōha mamatā lapaṭānē..
tēi abhēdabādī gyānī nara. dēkhā mēṃ caritra kalijuga kara..
āpu gaē aru tinhahū ghālahiṃ. jē kahuom sata māraga pratipālahiṃ..
kalpa kalpa bhari ēka ēka narakā. parahiṃ jē dūṣahiṃ śruti kari tarakā..
jē baranādhama tēli kumhārā. svapaca kirāta kōla kalavārā..
nāri muī gṛha saṃpati nāsī. mūḍa muḍaāi hōhiṃ sanyāsī..
tē bipranha sana āpu pujāvahiṃ. ubhaya lōka nija hātha nasāvahiṃ..
bipra niracchara lōlupa kāmī. nirācāra saṭha bṛṣalī svāmī..
sūdra karahiṃ japa tapa brata nānā. baiṭhi barāsana kahahiṃ purānā..
saba nara kalpita karahiṃ acārā. jāi na barani anīti apārā..
