छंद
बहु दाम सँवारहिं धाम जती। बिषया हरि लीन्हि न रहि बिरती।।
तपसी धनवंत दरिद्र गृही। कलि कौतुक तात न जात कही।।
कुलवंति निकारहिं नारि सती। गृह आनिहिं चेरी निबेरि गती।।
सुत मानहिं मातु पिता तब लौं। अबलानन दीख नहीं जब लौं।।
ससुरारि पिआरि लगी जब तें। रिपरूप कुटुंब भए तब तें।।
नृप पाप परायन धर्म नहीं। करि दंड बिडंब प्रजा नितहीं।।
धनवंत कुलीन मलीन अपी। द्विज चिन्ह जनेउ उघार तपी।।
नहिं मान पुरान न बेदहि जो। हरि सेवक संत सही कलि सो।।
कबि बृंद उदार दुनी न सुनी। गुन दूषक ब्रात न कोपि गुनी।।
कलि बारहिं बार दुकाल परै। बिनु अन्न दुखी सब लोग मरै।।
छंद
अबला कच भूषन भूरि छुधा। धनहीन दुखी ममता बहुधा।।
सुख चाहहिं मूढ़ न धर्म रता। मति थोरि कठोरि न कोमलता।।1।।
नर पीड़ित रोग न भोग कहीं। अभिमान बिरोध अकारनहीं।।
लघु जीवन संबतु पंच दसा। कलपांत न नास गुमानु असा।।2।।
कलिकाल बिहाल किए मनुजा। नहिं मानत क्वौ अनुजा तनुजा।
नहिं तोष बिचार न सीतलता। सब जाति कुजाति भए मगता।।3।।
इरिषा परुषाच्छर लोलुपता। भरि पूरि रही समता बिगता।।
सब लोग बियोग बिसोक हुए। बरनाश्रम धर्म अचार गए।।4।।
दम दान दया नहिं जानपनी। जड़ता परबंचनताति घनी।।
तनु पोषक नारि नरा सगरे। परनिंदक जे जग मो बगरे।।5।।
छंद
bahu dāma saomvārahiṃ dhāma jatī. biṣayā hari līnhi na rahi biratī..
tapasī dhanavaṃta daridra gṛhī. kali kautuka tāta na jāta kahī..
kulavaṃti nikārahiṃ nāri satī. gṛha ānihiṃ cērī nibēri gatī..
suta mānahiṃ mātu pitā taba lauṃ. abalānana dīkha nahīṃ jaba lauṃ..
sasurāri piāri lagī jaba tēṃ. riparūpa kuṭuṃba bhaē taba tēṃ..
nṛpa pāpa parāyana dharma nahīṃ. kari daṃḍa biḍaṃba prajā nitahīṃ..
dhanavaṃta kulīna malīna apī. dvija cinha janēu ughāra tapī..
nahiṃ māna purāna na bēdahi jō. hari sēvaka saṃta sahī kali sō..
kabi bṛṃda udāra dunī na sunī. guna dūṣaka brāta na kōpi gunī..
kali bārahiṃ bāra dukāla parai. binu anna dukhī saba lōga marai..
छंद
abalā kaca bhūṣana bhūri chudhā. dhanahīna dukhī mamatā bahudhā..
sukha cāhahiṃ mūḍha na dharma ratā. mati thōri kaṭhōri na kōmalatā..1..
nara pīḍaita rōga na bhōga kahīṃ. abhimāna birōdha akāranahīṃ..
laghu jīvana saṃbatu paṃca dasā. kalapāṃta na nāsa gumānu asā..2..
kalikāla bihāla kiē manujā. nahiṃ mānata kvau anujā tanujā.
nahiṃ tōṣa bicāra na sītalatā. saba jāti kujāti bhaē magatā..3..
iriṣā paruṣācchara lōlupatā. bhari pūri rahī samatā bigatā..
saba lōga biyōga bisōka huē. baranāśrama dharma acāra gaē..4..
dama dāna dayā nahiṃ jānapanī. jaḍatā parabaṃcanatāti ghanī..
tanu pōṣaka nāri narā sagarē. paraniṃdaka jē jaga mō bagarē..5..
