चौपाई
कृतजुग सब जोगी बिग्यानी। करि हरि ध्यान तरहिं भव प्रानी।।
त्रेताँ बिबिध जग्य नर करहीं। प्रभुहि समर्पि कर्म भव तरहीं।।
द्वापर करि रघुपति पद पूजा। नर भव तरहिं उपाय न दूजा।।
कलिजुग केवल हरि गुन गाहा। गावत नर पावहिं भव थाहा।।
कलिजुग जोग न जग्य न ग्याना। एक अधार राम गुन गाना।।
सब भरोस तजि जो भज रामहि। प्रेम समेत गाव गुन ग्रामहि।।
सोइ भव तर कछु संसय नाहीं। नाम प्रताप प्रगट कलि माहीं।।
कलि कर एक पुनीत प्रतापा। मानस पुन्य होहिं नहिं पापा।।
चौपाई
नित जुग धर्म होहिं सब केरे। हृदयँ राम माया के प्रेरे।।
सुद्ध सत्व समता बिग्याना। कृत प्रभाव प्रसन्न मन जाना।।
सत्व बहुत रज कछु रति कर्मा। सब बिधि सुख त्रेता कर धर्मा।।
बहु रज स्वल्प सत्व कछु तामस। द्वापर धर्म हरष भय मानस।।
तामस बहुत रजोगुन थोरा। कलि प्रभाव बिरोध चहुँ ओरा।।
बुध जुग धर्म जानि मन माहीं। तजि अधर्म रति धर्म कराहीं।।
काल धर्म नहिं ब्यापहिं ताही। रघुपति चरन प्रीति अति जाही।।
नट कृत बिकट कपट खगराया। नट सेवकहि न ब्यापइ माया।।
चौपाई
kṛtajuga saba jōgī bigyānī. kari hari dhyāna tarahiṃ bhava prānī..
trētāom bibidha jagya nara karahīṃ. prabhuhi samarpi karma bhava tarahīṃ..
dvāpara kari raghupati pada pūjā. nara bhava tarahiṃ upāya na dūjā..
kalijuga kēvala hari guna gāhā. gāvata nara pāvahiṃ bhava thāhā..
kalijuga jōga na jagya na gyānā. ēka adhāra rāma guna gānā..
saba bharōsa taji jō bhaja rāmahi. prēma samēta gāva guna grāmahi..
sōi bhava tara kachu saṃsaya nāhīṃ. nāma pratāpa pragaṭa kali māhīṃ..
kali kara ēka punīta pratāpā. mānasa punya hōhiṃ nahiṃ pāpā..
चौपाई
nita juga dharma hōhiṃ saba kērē. hṛdayaom rāma māyā kē prērē..
suddha satva samatā bigyānā. kṛta prabhāva prasanna mana jānā..
satva bahuta raja kachu rati karmā. saba bidhi sukha trētā kara dharmā..
bahu raja svalpa satva kachu tāmasa. dvāpara dharma haraṣa bhaya mānasa..
tāmasa bahuta rajōguna thōrā. kali prabhāva birōdha cahuom ōrā..
budha juga dharma jāni mana māhīṃ. taji adharma rati dharma karāhīṃ..
kāla dharma nahiṃ byāpahiṃ tāhī. raghupati carana prīti ati jāhī..
naṭa kṛta bikaṭa kapaṭa khagarāyā. naṭa sēvakahi na byāpai māyā..
